Euverlèk:Belize

Van Wikipedia
Naar navigatie springen Naar zoeken springen

Iech bin 't hei neet mèt ins. Belize heet ein dudeleke hoofbeteikenis en dat is 't land. De stad hèt Belize-city en de revier is secundair - wee zouw dao-op zeuke? Die aander twie beteikenisse kinne beter touwgenkelek zien via 'n melding bovenaon of 'n paas Belize (verdudeliking). Steinbach Maak de wereld sjoender, besjrijf häöm op Wikipedia! 10 fib 2017 11:28 (CET)[reageer]

Iech zeen 't probleem neet. Wee bepaolt of 't ein "dudeleke hoofbeteikenis" heet? Wat is dat euverigens? Belize heet sumpeleweg mierdere beteikenisse. Punt. De stad höb iech daobij neet ins geneump. En iech mein miech te herinnere tots diech oets gerope höbs tot v'r neet de NL wiki achternao móste met die "(verdudeliking)" pagina's. Daan zouwe v'r alle vp's mote goon herneume, want einduidegheid liek miech väöl belaankrieker. En es lui zeuke en zie vinde tot 't mie es ein beteikenis gief, wat is daan 't probleem? Dao liere zie get vaan. - Pahles | zègk 't mer 10 fib 2017 14:24 (CET)[reageer]
Jao, dat höbste diech good gerappeleerd, iech bin daotege. Veer höbbe hei noets consensus euver bereik, dat zouw veur edereine rei genóg mote zien um ziene zin neet door te duie.
Wat 't probleem is? Wee op "Hasselt" zeuk, is vas neet op zeuk nao 't stedsje in Euverijssel. Wee op "Michael Jackson" zeuk, wèlt tien tegen ein niks weite euver de beerspecialis. Wee op "Californië" zeuk, wèlt ouch neet euver e fucking gehuch in Noord-Braobant leze. Wee op "bulldog" zeuk, zal ouch wel neet nao de coffeeshop in Amsterdam op zeuk zien hè. En daobij: aander beteikenisse vaan Belize zien nog gaaroet neet aongemaak. En toch vins diech 't sjijns nujeg um de paasj te verplaotse en alle verwijzinge stante pede te veraandere. Steinbach Maak de wereld sjoender, besjrijf häöm op Wikipedia! 10 fib 2017 14:52 (CET)[reageer]
En wiezoe zou iemes dee zeuk nao "Hasselt" neet nao dat stedsje in Euverijssel zeuke? Dit is neet de Limburgse Wikipedia, dit is de Limburgstaolege Wikipedia. En dao mage dus ouch dinger in stoon euver stedsjes in Euverijssel en dörpkes in Duitsland (die ouch nog neet zien aongemaak euveriges). Zoe ouch veur Belize! Wee zeet tot iech die aander beteikenisse neet gaon aonmake? De bis lekker snel mèt conclusies trèkke. - Pahles | zègk 't mer 10 fib 2017 21:56 (CET)[reageer]
Dat höb iech nörges oontkind. Dat zouw ouch raar zien, want geine sjrijf zoeväöl euver de res vaan Nederland es iech. Noets höb iech ouch mer e bitteke gesuggereerd toste dao neet op maags zeuke (struimaanriddenatie). Iech zègk allein tot 't ein hoofbeteikenis op, en tot de mieste lui dao wel op zalle zeuke. De beteikenis "hoofstad vaan Belsj Limbörg" torent hoeg oet bove alle aander beteikenisse. Veur eder stom mini-bijbeteikeniske 'n vp aonmake heet geine zin. Steinbach Maak de wereld sjoender, besjrijf häöm op Wikipedia! 10 fib 2017 22:03 (CET)[reageer]
Ich bön 't mit Steinbach ins veur ein sumpel raeje: linkskes. Es eine 'n paasj sjrief en dees begrippe link hie zal 't ieëre gaon euver 't Limbörgs stedje of dit Amerikaans lendje. Netuurlik zóds se mit 'ne bot alle links kónnen update nao de versie mitte häökskes d'rachter, meh woveur zówwe v'r die meudje doon? Daobie, wen nuuj links waere gemaak kómme die ouch weer oet oppe verdudelikingspaasj wo det absoluut neet nuuedig is. Geine zal dees later aangemaakdje linkskes gaon update, controleren of biehaje. Daoveur bön ich 't dus èns mitte houfbeteikenis es drekke pagina (zónger häökskes). --OosWesThoesBes (euverlègk) 11 fib 2017 12:34 (CET)[reageer]
Och jeh, 't zal wel aon miech ligke. Iech zeen 't probleem nog ummer neet. En daan weer mèt get deftege wäörd goon struie dewijl iech miech aofvraog ofs te überhaupt wel geleze höbs wat iech gesjreve höb (en nog erger, wats te zelf sjreefs: "is vas neet op zeuk" en "wèlt ouch neet euver e fucking gehuch leze". Waor dat lèste trouwens ech nudeg um dat zoe te sjrieve, de bis toch gein 15 mie...). Meh good, wie iech zègk, 't zal wel aon miech ligke. Iech laot 't heibij, es te 't wèls trökdrejje, gaank diene gaank, iech höb beter dinger te doen. Dees discussie euver 'n kleinegheid doort alweer väöls te lang. - Pahles | zègk 't mer 11 fib 2017 20:15 (CET)[reageer]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Belize&oldid=413266"