Euverlèk:Austronesische taole

Ich höb 't e bietje lestig mit de bewaering "'t Aontal aofzunderleke taole is bezunder hoeg" in de vergelieking mit bv. 't Indogermaans. Me mót d'r aan dinke det óngerhandj eder dialekske in dees taalfemieljes zien apaarte code haet, terwiel Europese tale wie 't Dalarnazweeds, Gotlandjzweeds, Franse streektale, Urkers, Wesfries etc. die toch waal behuuerlik vanne standaardtaal kinne aafwieke gein code höbbe. Ich zów hie in de notities toch waal 'n aanteikening bie make. --OosWesThoesBes (euverlègk) 27 fib 2014 08:13 (CET)

Daag Owtb, iech snap die punt meh iech bin 't neet mèt diech ins. Ierstens is 'taol', wieste wèts, veur e belaankriek deil aofhenkelek vaan cultureel identiteit. Zoe gaw es de bewoeners vaan ein eilendsje ziech 'n apaart volk veule, is hun spraok al gaw 'n apaarte taol. Dat is hei bij Ethnologue zoe, meh ouch in de mainstreamtaolkunde. Twiedens weure zjus bij Ethnologue gans get Indogermaanse variëteite tot taol verheve die dat in de gewoen taolkunde neet zien. Slaag diech e standaardwerk ope euver Germaanse taole en 't Limbörgs en Ziews koume nao veure es dialekte, dewijl bij Ethnologue zelfs Veenkoloniaals en Achterhooks apaarte taole zien. Dat drijf dus 't aontal Indogermaanse taole al hendeg op. De kins wel zègke tot 't nog mie taole zouw mote geve volgens 'tzelfde criterium, meh dat is oersprunkelek oonderzeuk en dus verboje op Wikipedia. 't Is trouwens neet zoe tot eder Austronesisch dialekske 'n apaarte code heet: Maori en Hawaïaans zien beveurbeeld ouch bij Ethnologue ein taol.

Apperpo, iech bin blij tot toch nog iemes mien artikele leus. Steinbach (euverlègk) 27 fib 2014 12:17 (CET)

Det zeen euvertugendje argumente. Dao kin ich nieks taengenin bringe :) --OosWesThoesBes (euverlègk) 27 fib 2014 18:22 (CET)