Euverlèk:Algeriens Saharaans Arabisch

Van Wikipedia
Naar navigatie springen Naar zoeken springen

De naom vaan dit artikel is verkierd. De Sahara löp vaan Oos-Marokko tot in Wes-Egypte en umvat dus mier es allein Algerije. De Arabisch sprekende lui in de Sahara (bedoeïene, meh ouch oasebewoeners) spreke allemaol versjèllende dialekte, die wel losvas mètein verwant zien (v'r numme dat Maghrebijns Arabisch), meh die toch al te väöl vaanein versjèlle um 'n einheid te vörme. Daobij versjèlt beveurbeeld 't Libisch Arabisch vaan de Sahara neet wezelek vaan 't Libisch Arabisch oet Tripoli of Benghazi. M.a.w.: d'n artikelnaom moot Algerije bevatte um correk te zien. Steinbach (euverlègk) 13 aug 2014 14:19 (CEST)

Dao bön ich 't neet gans mit èns. De Ingelse Wikipedia hèltj strik 'n sjeijing aan tösse (Algeriens) Saharaans ([1]) ane eine kantj en Maghrebiens ane angere kantj ([2]), wobie d'n ieëste óngerdeil oetmaak vanne litste. Volges ethnologue is Saharan Arabic 'n synoniem veur allein Algerian Saharan Arabic en neet Libyan Spoken Arabic ([3]), zuuch ouch de twieë kaarte: Egypte en Libië en Algerieë etc, worop is aafgebeeldj det de spraoke neet in einanger 't landj gekaldj waere. Daobie, doe sprèks zelf noe taenge waat se in dien eige artikel Arabisch (subkop dialekte) höbs gesjreve :)
d'r Vèltj netuurlik waal get veur te zègke det de naam misleidendj is, en 'n verplaatsing nao Algeriens Saharaans Arabisch zów ich ouch neet taenge zeen, es 'ne redirek nao Saharaans Arabisch nao Algeriens Saharaans Arabisch blief staon mit mesjiens 'n opmirking baovenaan dees pagina worin steitj det dit puur geitj euvere variëteit in Algerieë en Niger en det de breier meining op 'n te make pagina Maghrebiens Arabisch steitj. --OosWesThoesBes (euverlègk) 13 aug 2014 14:27 (CEST)
Of v'r make van Saharaans Arabisch 'n verdudelikingspagina, det is ouch good :) --OosWesThoesBes (euverlègk) 13 aug 2014 14:32 (CEST)
Nou, daan liek miech de ierste optie de bèste. De naom 'Saharaans Arabisch' veur alle Maghrebijnse dialekte is neet gebrukelek, al zeker neet umtot dao ouch dialekte in minder druug gebeed oonder valle. Steinbach (euverlègk) 13 aug 2014 17:38 (CEST)
Gedaon :) --OosWesThoesBes (euverlègk) 13 aug 2014 17:59 (CEST)