Ernest Hemingway
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Ernest Miller Hemingway (21 juli 1899 – 2 juli 1961) waor ‘ne Amerikaanse sjriever en journalis dee in 1953 de Pulitzerpries veur Literatuur wón veur The Old Man and the Sea en in 1954 de Nobelpries veur Literatuur kreeg. Hemingway produceerde de mieste vaan zien werke tösse ‘t midde vaan de jaore 1920 en ‘t midde vaan de jaore 1950. Ziene strenge, journalistische sjrifstijl stong in sterk taegesjtelling tot zien beeld es avonturier en zien turbulent persoenlik leve en zouw ‘ne groete invlood höbbe op de moderne Amerikaanse en Europese proza.
Tusse de twie wereldoorloge in woort heer de woordveurder vaan de Verlore Generatie (The Lost Generation), umtot heer in zien vreug werk de probleme en mentaliteit vaan die generatie ‘t beste weerspiegelde. Neve ‘t zien vaan ‘ne actieve sjriever, waor Hemingway ouch ‘ne journalis en oorlogscorrespondent, zoewie ‘ne avonturier, visser en groete wildjager, wat zich weerspiegelt in de oonderwerpe die heer koos veur zien korte verhaole en romans. In zien lètste jaore leed heer aon ernstige depressie dee oeteindelik leidde tot zien zelfmoord op 2 juli 1961. Heer leet drei zeuns achter: John, mèt zien ierste vrouw Hadley Richardson, en Patrick en Gregory, mèt zien twiede vrouw Pauline Pfeiffer.