Eiwit (ei)

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Eiwit is 'n helder vleujsjtof die in vogeleier zit. 't Is 't cytoplasma van 't ei. 't Besjteit houfzakelik oet opgelosde proteïne (veural ovalbumine) in water. De primair functies zeen d'n eidojer te besjurme en extra aete te versjtrèkke veur de greuj van 't embryonaal kuke; de proteïne höbbe 'n hoog voedingswaerd. In taengesjtèlling tót d'n eidojer bevat 't weinig vèt.

Eiwit weurt döks in de keuke gebroek. 't Weurt väöl gesjeie van d'n dojer bie 't kaoke. De naam dank eiwit aan de kleur die 't krieg es 't weurt verhit. Bie gebroek van ónverhitte perdukte mit eiwit besjteit de kans op 'n salmonellabesjmètting.

Eiwit kèn tót sjoem waere geklop. Den zal al 't gereidsjap vètvrie mótte zeen. E klein sjnufke zalt of wiensjtein hölp óm 't eiwit good sjtief te kriege en 't deent den es basis veur sjoemgebak, sjuumkes, sjpekskes, negerzoene en Haagse bluf.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eiwit_(ei)&oldid=452169"