Edwin S. Porter
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Edwin Stanton Porter (Connellsville (Pennsylvania, VS), 21 april 1870 – New York City, 30 april 1941) waor 'nen Amerikaanse filmpionier. Heer is 't bekinds gewore door zie wèrk veur de filmstudio's vaan Thomas Edison.
Biografie
[bewirk | brón bewèrke]Porter woort gebore in Connellsville, Pennsylvania es zoon vaan Thomas Richard Porter, 'ne marchang, en Mary Jane (Clark) Porter; heer had drei breurs en 'n zöster. Nao zien sjaol wèrkde Porter oonder mie es sjèlder en es 'nen tèllegraaf. In 1893 verveugde heer bij de United States Navy es elektricien. In 1896 kaom heer terech in 't oontstande filmbestoon terech. Heer wèrkde bij 't bedrief Raff & Gammon, wat Thomas Edisons produkte verkoch. In 1899 kaom Porter bij de Edison Manufacturing Company zelf te wèrke es regisseur. In 't denao aander decennium woort heer eine vaan de bekindse Amerikaanse regisseurs vaan zienen tied. Eine vaan zien ierste films waor Terrible Teddy, the Grizzly King, 'ne satire op Theodore Roosevelt. In 1903 maakde Porter zien bekèndse wèrk, de western The Great Train Robbery. Aander bekinde wèrke vaan Porter zien The Night Before Christmas (1905) en Dream of a Rarebit Fiend 1906. Gans en al maakde Porter inkele hoonderde, veural kortere, films. Ziene producer en collega Adolph Zukor zag euver häöm tot Porter noets 'ne stijl twie kier euverdeed es heer de ierste kier waor geslaag. Ouch nömde heer Porter iemes dee neet good kós umgaon mèt 't gedraag vaan de filmstare die aon zien films mètdede. In 'n interview nömde Zukor häöm "'ne maan dee beter mèt machines es minse kós umgoon." Porter hiemelde in 'n hotel in 1941 te New York City.