Douglas DC-9

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Originele DC-9

De Douglas DC-9 is ein relatief klein vleegtuug det mit twee sjtraolmotors is oetgerös. Dees motors zeen, net es biej de BAC-1-11, de Sud Aviation Caravelle, de F28 Fellowship en de Tu-134 Crusty, aan de romp onger de sjtert bevestigdj zodet de vleugels minder lochweersjtand beeje. Ouch weurdj 't geluid in'ne cabine gedemptj. 't Vleegtuug waerdje ontworpe om aaj propellervleegtuuge die op korte aafsjtenj vlooge, te kinne vervange. De DC-9 bleek 't perfecte vleegtuug te zeen veur väöl maatsjappieje. Dit bliektj oet 't aantal geboewdje toesjtelle (bienao 1000) en versies.

Versies[bewirk | brón bewèrke]

D'r zeen meer dan 10 versjillendje versies geboewdj mit ein versjil in lengte (van kort naar lang: -10, -15, -20, -30, -40, -45) en vleegbereik.

De gesjiedenis[bewirk | brón bewèrke]

't Prototype, eine DC-9-10, maakdje de eerste vluch op 25 februari 1965 en kos, aafhankelik van de indeiling van'ne sjteul, aan maximaal 90 passageers plaats beeje. De DC-9-15 waas de eerste versie mit een vergroot vleegbereik. Van'ne DC-9-30, ein versie die plaats kos beeje aan maximaal 120 passageers, waerdje d'r ruum 650 van geboewdj waat euvereinkumptj mit bienao 2/3 van het totaal aantal geboewdje vleegtuuge. Naodet McDonnell en Douglas fuseerdje toet McDonnell Douglas, waerdje d'r nog langer versies geboewdj (MD-80, MD-82, MD-90).

Technische gegaeves DC-9-10[bewirk | brón bewèrke]

Lengte 31,82 m.

Breidte 27,25 m.

Heugte 8,38 m.

Kruutssjnelheid 902 km/u

Vleegbereik 1050 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Douglas_DC-9&oldid=340819"