Douglas DC-3 Dakota

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


DC-3

De Douglas DC-3 Dakota is ein van'ne succesvolste vleegtuuge ooit geboewdj. D'r waerdje bienao 16.000 masjiener geboewdj wovan 11.000 door Douglas zelf. Zo kreege Nederlandj, Japan en 't Russische Lisunov licentierechte veur de boew van bienao 5000 kiste. Lisunov boewdje de vleegtuuge es Li-2.

De gesjiedenis[bewirk | brontekst bewerken]

De DC-3 is ein doorontwikkeling van'ne DC-2 (dae weer doorontwikkeldj waas vanoet de DC-1). 't Vleegtuug waerdje op verzeuk van American Airlines ontwikkeldj. Zie wolle ein vleegtuug det baeter presteerde en meer passageers kos verveure dan de DC-2. Donald Douglas vergreudje de romp en plaatsdje krachtiger motors (900 pk per motor). De Dakota booj plaats aan 28 toet 35 passageers die in rieje van drie naeve ein waerdje geplaatsj. Ze maakdje häör eerste vluch op 17 december 1935 en waerdje op 11 juli 1936 aan American Airlines geleverdj. American Airlines richdje häör vleegtuuge in veur 16 passageers (lang vluchte) en 24 passageers (vriej korte vluchte). Binne inkele jaore vloge d'r hongerde Dakota's rondj euver de hele waereld (KLM waas de eerste Europese klantj). Tiedes de Tweede Waereldoorlog weardje 't vliegtuug ouch väöl ingezatj. D'r waerdje zelfs militair versies ontwikkeldj wovan de C-47 Skytrain de succesvolste waas.

Technische gegevens[bewirk | brontekst bewerken]

Lengte: 19,66 m.
Breidte: 29,98 m.
Heugte: 5,16 m.
Max. sjnelheid: 368 km/u
Vleegbereik: 2160 km.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Douglas_DC-3_Dakota&oldid=340773"