Doeve

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

"Douf" verwies nao dit artikel; veure gehuuerstuuernis, zuuch: "doufheid".

Doeve (Columbidae) vörmen 'n femielje van meistes middelgroeate, kómpak-geboedje veugel mit 'ne vólle, rónje bórs en 'ne kleine kop. Ze höbben 'n snel en meistes rechlienige vlöch. In taengestèlling toet anger veugel kónne ze mitte snavel water opzuge. De jónge waere mit doevemilk oete krop geveurdj. 't Menke wuuertj 'nen "dóffer" of 'nen "häöre" geneump en 't vruike meistes gewuuen 'n "doef" (al kump "doevin" ouch veur wen 't óngersjied tösse de geslechte benaodrök mót waere).

Jónge

'n Doef breudj zoea zèstieën toet twintjig daag in 'n einveljig, krempelig ès. Wen de jónge waere gebaore zeen ze nag blindj en bedèk mit dón gael duvelshaore (dóns). Nao drie toet zès daag gaon de uigskes vanne jónge aop en nao ellef daag kriege de jónge vaere. De moder sjèdj oet mit 't vore nao óngevieër zèstieën daag; den ètj 't jónk zelf. Nao viefentwintjig daag kan 't jónk vlege.

Relatie mitte miens

Doeve waeren allang gehaje door luuj; es ploemvieë, óm ze (in doeveslaeg) vèt te mèsten en op te aete, es sierdoef en veural ouch es posdoef, vanewaengen häör fenomenaal oriëntatievermeuge. Al inne viefdje dynastie van 't aad Egypte 2500-2350 v.Chr.) goof 't taam doeve. Hievan zeen teikeninge gevónjen in e graaf oet dees periood.

In vreuger jaore kanj me ónger 't Ancien Régime 't Doeverech. Allein d'n aedel enne geistelikheid haw 't rech doeve te haje.

Taxonomie

De volgendje geslechte zeen bieje femielje ingedeildj gewaore:

Alectroenas Gray, GR, 1840
Caloenas Gray, GR, 1840
Chalcophaps Gould, 1843
Claravis Oberholser, 1899
Columba Linnaeus, 1758
Columbina von Spix, 1825
Cryptophaps Salvadori, 1893
Didunculus Peale, 1848
Drepanoptila Bonaparte, 1855
Ducula Hodgson, 1836
Gallicolumba Heck, 1849
Geopelia Swainson, 1837
Geophaps Gray, GR, 1842
Geotrygon Gosse, 1847
Goura Stephens, 1819
Gymnophaps Salvadori, 1874
Hemiphaga Bonaparte, 1854
Henicophaps Gray, GR, 1862
Leptotila Swainson, 1837
Leucosarcia Gould, 1843
Lopholaimus Gould, 1841
Macropygia Swainson, 1837
Metriopelia Bonaparte, 1855
Nesoenas Salvadori, 1893
Ocyphaps Gray, GR, 1842
Oena Swainson, 1837
Otidiphaps Gould, 1870
Patagioenas Reichenbach, 1853
Petrophassa Gould, 1841
Phapitreron Bonaparte, 1854
Phaps Selby, 1835
Ptilinopus Swainson, 1825
Reinwardtoena Bonaparte, 1854
Spilopelia Sundevall, 1873
Starnoenas Bonaparte, 1838
Streptopelia Bonaparte, 1855
Treron Vieillot, 1816
Trugon Gray, GR, 1849
Turacoena Bonaparte, 1854
Turtur Boddaert, 1783
Uropelia Bonaparte, 1855
Zenaida Bonaparte, 1838

Uitgestorven

† Ectopistes Swainson, 1827
† Microgoura Rothschild, 1904
† Pezophaps Strickland, 1848
† Raphus Brisson, 1760

Zuuch ouch