Diafragmagetal

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Diagram vaan aofnummende diafragma's, dus oploupende f-nómmers, in ein-stop townames; eder diafragma heet haaf de opening vaan 't veurig diafragma. De echte gruutde vaan 't diafragma hingk aof vaan de brandpuntsaofstand vaan de lens.

In de optica, is het diafragmagetal, ouch wel d'n f-nómmer geneump, 'n aonduiding veur d'n diameter vaan d'n ingaank (de pupil) in terme vaan de effectieve brandpuntsaofstand vaan de lens; sumpeler gezag, d'n f-nómmer is de brandpuntsaofstand gedeild door de diafragma diameter. 't Is 'n dimensieloos getal wat 'n kwantitatief weerde gief euver de lenssnelheid, wat 'n belaankriek concep is in de fotografie.

In formulevörm zuut 't dus zoe oet:

woebij de brandpuntsaofstand is, en d'n diameter vaan de pupil. D'n aofspraak is tot f/# es ein symbool weurt besjouwd, woebij specifieke weerdes vaan f/# gesjreve weure door 't 'hèkske' te vervaange door de weerde. Es beveurbeeld de brandpuntsaofstand 16 kier d'n diameter is vaan de pupil is 't diafragmagetal f/16, of . 'ne 100mm lens mèt 'n diafragmagetal f/4, heet 'n pupil diameter van 25mm. 'n 135mm lens mèt 'n diafragmagetal f/4, heet 'n pupil vaan 33,8mm. Dewijl de opening vaan de 135mm lens groeter is es die vaan de 100mm lens, is de hoeveelheid leech dee op de film of sensor vèlt eve groet.

Wie groeter 't diafragmagetal, wie minder leech per oppervlakte einheid op 't beeldvörmend materiaol (miestal leechgeveulige film of 'ne sensor) vèlt. Daoneve heet 't ouch invloed op de sjerptedeepte en op 't bokeh.

In de fotografie weurt 't woord stop veur mierdere dinger gebruuk. In relatie tot 't diafragmagetal weurt miestal gesproke euver f-stops: edere "stop" weurt gemarkeerd door de bijbehurende f-nómmer, en gief 'n halvering vaan de hoeveelheid leech die op de film of sensor vèlt. 'n Halvering vaan de hoeveelheid leech kump euverein mèt 'n aofname vaan de pupildiameter mèt 'ne factor of ongeveer 1,414. Dit leidt tot 't volgende rijke: f/1, f/1.4, f/2, f/2.8, f/4, f/5.6, f/8, f/11, f/16, f/22, f/32, f/45, f/64, f/90, f/128, etc. De getalle zien aofgeroond zoetot ze gemekelek te oonthawwe en te sjrieve zien.

In modern camera's zien ein-derde stops gebrukelek (soms ouch have stops). Es veurbeeld: 't diafragma wat 'ne derde stop kleiner is es f/2.8, is f/3.2, twie-derde stop kleiner is f/3.5, en 'ne gaanse stop kleiner is f/4. 't Rijke geit daan wijer is volg: f/4.5, f/5, f/5.6, f/6.3, f/7.1, f/8, etc.

Um 't nog meujeleker te make make lensfabrikante wie Canon en Nikon veur hun SLR-camera's lenze mèt intern 1/8 stops. Dit beteikent dat de 1/3 stops die op de camera weure aongegeve of ingestèld umgezat weure nao de 1/8 stop dee dao 't kortste bij zit.

't Kleinste diafragegetal wat 'n lens aonkin weurt ouch wel de leechsterkte vaan de lens geneump. 'n Lens mèt 'n diafragma vaan f/1.4 heet 'n dobbele leechsterkte wie 'n lens woebij de kleinste weerde f/2 is. De constructie vaan leechsterke lenze vreug neet allein mie materiaal, mer 't is ouch ingewikkelder um lensfoute te beperke. Daorum zien leechsterke lenze in 't algemein väöl deurder es minder leechsterke lenze.

Bronne[bewirk | brón bewèrke]

Veur d'n teks vaan dit artikel is oondermie gebruuk gemaak vaan de Nederlandse en d'n Ingelse wiki.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Diafragmagetal&oldid=380356"