De Waterratte
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De vereiniging, De Waterratte, opgeriech op 11 November 1959 is oontstande oet de biljartvereiniging Heugem, domicillie kezend in kaffee Sport ( wat noe cafè d`n Hoof is ) aon de Heugemerstraot. Mötse en capes woorte geheurd, boedoor d`n habsjaar al metein `t kasbook kös opene mèt e tekort. Veurnaomste doelstèlling maag daan zien `t stimulere vaan de plaotselikke vastelaovendsviering, daoneve höbbe de Waterratte steeds amikaal kontakte onderhawwe mèt zustervereiniginge boete hun maosdörrep.
`ne Innige band besteit mèt Huize Maasveld, `t in Heugem gelege tehoes veur luij mèt `ne verstandelike handicap. Mèt plezeer wèrreke de Waterratte eder jaor mèt öm de pupille vaan Maasveld e paar gezêllige vastelaovend-eurkes te bezörrige. Vaste prik zien voorts de 55+ middag en `t Aw-wieverbal twie aktiviteite die eder jaor goot aonsjloon bie de bewoeners vaan Heugem-Randwiek. Tijdens `t Aw wieverbal weurt eder jaor iemes in `t zönneke gezat veur ziene of häöre socialen inzat, verliend aon de börgerij of `t vereinigingsleve in Heugem; heer of zie maag daan `t Sjouwerklöpke (de hoegste oondersjeiing vaan de Waterratte ) in oontvangs neume.