De Kolonie

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Lommels, as te dit dialek sjpriks.

Joezepskèrk oet 1927 mèt torie oet 1869 in De Kolonie

De Kolonie is e kèrkdörp of wiek vaan Lommel, Belsj Limbörg, noordoostelek vaan 't dörp Lommel, kort aon de Nederlandse grens aon de straotweeg nao Valkeswaerd. De plaots heet zoeget 2000 inwoeners, boevaan e groet aontal Nederlanders.

Historie[bewirk | brón bewèrke]

Vaanajds waore de Kempe in de umgeving vaan Lommel weus en oonbebouwbaar. In 1847 besloot de Belzje regering vaan de groond veur landbouw gesjik te make. Daoveur stiechde ze 'n kolonie noordelek vaan 't Kenaal Bóggetj-Herentals, wat dat jaor woort opegedoon, en grove ze klein keneelkes nao 't gebeed wat ze De Wetering neumde. De arbeiers kaome oet erm milieus; de kolonie waor daan ouch 'ne vörm vaan ermoojbevechting. De kolonie kaom veerdeg in 1850; ze tèlde 20 boerehäöf, 'n pastorie en 'n sjaol. Vaanaof 1852 waor 't ouch 'n zelfstendege parochie, mèt de naom Heuvelse Heide-Kolonie. 't Deil Heuvel-Hei woort later bij Lommel-centrum gevoog.

't Experimint lökde neet: de groond waor eigelek te oonvröchbaar en versjèllende arbeiers trokke weg. Heiop verkoch de staot 't bezit aon particuliere. De Wetering kaom in han vaan e luciferfebrik (Union Alumetière), wat cannadasse in de Wetering plantde. De aw Joezepskèrk oet 1869 woort in 1927 vervaange door 'n groeter nui kèrk; d'n torie leet me stoon. In 1961 woort 't Brier, wat vreuger bij De Kolonie hoort, ouch 'n eige parochie. In 1976 koch de gemeinte Lommel De Wetering en maakde e natuurgebeed devaan. In 2012 woort de gemeinsjap hel geraak wie 'n sjaolklas vaan basissjaol Het Stekske op skiverkaantie in Zwitserland veroongelökde.

Bron[bewirk | brón bewèrke]

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

Commons
In de categorie Lommel-Kolonie van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Kolonie&oldid=384009"