De klassieker

Van Wikipedia
(Doorverweze van De Klassieker)

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


De wedsjtrieje tösse de voetbalclubs Feyenoord en Ajax sjtaon in Nederlandj bekindj es De Klassieker. Door de grote rivaliteit tösse de twee lubs heure dees wedsjtrieje, ongeach de sjtandj oppe ranglies, toet de belangriekste van 't jaor. World Soccer Magazine plaatsdje de wedsjtried in juni 2008 oppe viefdje plaats in häör 50 Greatest Derbies-lies. [1]

Gesjiedenis[bewirk | brón bewèrke]

In 1921 promoveerde Feyenoord nao de hoogste klasse van 't Nederlandse voetbal. In 't seizoen daonao volgdje de eerste wedsjtried taege Ajax, det al langer op 't hoogste niveau sjpeeldje en toen al 2 keer landskampioen waas gewaes. Rondj de eerste wedsjtried in 1921 waas geliek väöl te doon. De wedsjtried eindigdje in 2-3, maar nao protes van Feyenoord is de oetsjlaag offisjeel vasgesjteldj op 2-2. Op 5 meert 1922 waerdje de klassieker de eerste keer gewonne, 't waas Ajax det mit 2-0 thoes won. De enige keer det 't 0-0 bleef in alle Klassiekers toet noe toe waas op 28 oktober 1978. De honderdste Klassieker, op 5 fibberwarie 2006 waerdje mit 3-2 door Feyenoord gewonne. Tösse de twee clubs is altied rivaliteit gewaes, die waarsjienlik kumptj door de rivaliteit en versjille tösse Rotterdam en Amsterdam, de twee grootste sjtaej van Nederlandj.

't Hoogste aantal bezeukers ooit biej De klassieker waas op 9 januari 1966, toen 65.562 toesjouwers Feyenoord en Ajax mit 1-1 geliek zoge sjpele inne Kuip.

Supportersrelle[bewirk | brón bewèrke]

Sins de jaore zevetig zeen d'r väöl relle gewaes tösse de supporters vanne twee clubs. De bekindste is de sjlaag biej Beverwijk op 23 meert 1997, wobiej Carlo Picornie om 't laeve kwaam. Es reaksie op de supportersoorloge tösse de twee groepe supporters waerdj vanaaf 2005 de Klassieker zônger bezeukendje supporters gesjpeeldj, al gaon d'r sjteeds meer sjtumme op om toch weer toesjouwers vanne bezeukendje partie toe te laote toet de Klassieker. Meistal richtj 't geweldj zich op supporters vanne taegepartiej, mer in 2004 waerdje op Sjportpark De Toekoms, biej eine wedsjtried vanne belofte elftalle, sjpelers van jong-Feyenoord (o.a. Robin van Persie) aangevalle door Ajax-hooligans. Sinds toen waere de wedsjtrieje van leger elftalle (miniklassiekers) gesjpeeldj in Sjtadion Woudestein (Excelsior) en inne Amsterdam ArenA.

Referenties[bewirk | brón bewèrke]

  1. World Derbies op washingtonpost.com

Bronne[bewirk | brón bewèrke]

Dit artikel is gebaseerdj op 't Hollandse artikel

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_klassieker&oldid=265893"