De Kinderköpkes

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De Kinderköpkes

Monique Maes, dirigaent

De kinderköpkes is 'n jäögkoer veur kinder in de leeftied vaan 6 tot 18 jaor. Zie zinge oetslutend in 't Mestreechs dialek en zien op bijnao alle groete fieste present. De kinderköpkes besteit oet ongeveer 30 leie en weurt gedirigeerd door Monique Maes.

De kinderköpkes is 'n aofsplitsing vaan de zingende pótsvrouwe en is in 1985 weier gegaange onder de naom jäögkoer Mestreech alias "De Kinderköpkes".

In 2000 heet d'r 'n groete bestuurswisseling plaotsgevoonde en is zoewel 't bestuur es de dirigente vervaange. In 2005 is 't besjermhiersjap euvergegeve vaan Frans Theunisz nao Guus Sjmeets. Guus Smeets is neet allein besjermhier vaan de kinder mer ouch de sjriever vaan praktisch alle nómmers vaan de lèste drei CDs.

Discografie

Single Cds

• Ezzebleef (1995)
• Kinderköpkes Rijjaloet (2007)

Albums

• 10 Jaor Kinderköpkes (2005)
• Plaots in eur hart (2007)