De Aester
Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.
De Aester is de carnavalsvereniging van Ech (tiejes de vastelaovendj bekèndj es 't Aesterriek).
Historie
[bewirk | brón bewèrke]Väör zover men kèn naogaon waor d'r al in 1891 ein carnavalsveriniging; De Aester Sjaelen Uul. Dees naam kènmerktj de inwoners van respectievelijk Ech en 't aangrènzendje Pej. Aldus, dees vereniging waor väör alle inwoners vanne toenmalige gemèndje Ech. Nao de oarlog kwaome de prinse aafwisselendj oet Ech en oet Pej. De vröndsjappelijke rivaliteit mit de Peijeneëre waor good teruuk te zeen in 't feit det de Raod van Èlf destieds oet 12 man bestong. 6 oet Ech en 6 oet Pej. In 1952 ginge de Echteneëre en de Peijeneëre echter oetein, waonao de Echteneëre in 1959 De Aester, vólges hun, "heroprichdje".[1] De Aester Sjaelen Uul is tot op vandaag nog altied de naam van de eige carnavalsvereniging van Pej. De twee vereniginge óngerhaoje nog altied ein werme vrundsjap. Zo bezeuke ze elkaars óptochte eder jaor vanaaf dezelfde, herkenbare plèk, vaak aangegaeve door ein verplaatsbaar plaotsnaambórdj van Ech en Pej.
Kelènder
[bewirk | brón bewèrke]De kelènder vanne Aester bestuitj oet de vólgendje gebäörtenisse:
- De dialekmis, de ceremoniële aopening van 't carnavalsseizoen (de ieëste zónjig nao de 11e vanne-n-11e)
- De Aesterparade, d'n aovend waorop de nuuje Prins wördtj oetgerope (de zaoterdigaovend, 5 waek väör de vastelaovendj). Dees stuit inne omgaeving bekèndj es ein aovend waorop bekènde topartieste oet Limburg óptreje.
- De Jóng Aesterparade, de middig waorop de nuuje Jeugprins wördtj oetgerope (de zónjigmiddig, 4 waek väör de vastelaovendj).
- De Nach van de Nuje Prins, de ieëste door de Aester georganiseerde fieësaovendj waorop de nuje Prins versjient (de zaoterdigaovend, 3 waek väör de vastelaovendj).
- De Prinsereceptie (de zondig, 2 waek väör de vastelaovendj).
- De Hieëre Prónkzitting/Vrouwluujzitting, ein speciale fieësaovendj väör resp. oetsloetend manskael en vrouwluuj (de zaoterdigaovend, 1 waek väör de vastelaovendj).
- De Groaten Óptoch, carnavalszónjig.
- De Kènjeróptoch, carnavalsdènsdig.
Natuurlijk zeen d'r väöl meer aktiviteite wao de Aester zich laot zeen, mer dees zeen de groate en meis bekèndje, jaorlijks teruukkieërende evenemènte.
Vereniging
[bewirk | brón bewèrke]De vereniging bestuit op dit momènt (2010) oet 33 leje, 6 Awd-Jeugdprinse, 3 Ieëreleje en de regerend Prins en Jeugprins. Verder haet de vereniging 'nen eigen Aesterdaeke (de pastoar van de parochie Ech) en ein Besjèrmhieër, waat altied de burgemeister vanne gemèndje Ech-Zöstere is. Väörzitter is Ger Bisschops. Vice-väörzitter is Eric Beckers. Jannie Simons is sèkkertaris en John Roovers is aanvöllendj bestuurslid[2]. De Aester kèntj officieel gein prinsesse, dansmariekes en adjudante (alhoewel de Prins van 't jaor daoveur vaak waal dae ról vervöltj). Daorentaege haet De Aester waal al sinds zien oprichting eine Nar en 't is daomit ein van d'n ieëste vereniginge in Limburg dae mit dees traditie is begós. De ról van Nar wördtj vervöldj door ein persoon, dae in dees functie blif totdèt d'r 't zèlf neet mieë wiltj. Taegewäördig is de Nar van De Aester Jan Housmans (Awd-Prins van 1993).
Prinse
[bewirk | brón bewèrke]De Aester wèrd herópgerich op 19 oktober 1959. D'n ieëste Prins dae gekaoze wèrdje waor daorom de vórs van 1960.
| Jaor | Prins | Jaor | Prins | Jaor | Prins | Jaor | Prins | Jaor | Prins | Jaor | Prins |
|---|---|---|---|---|---|---|---|---|---|---|---|
| 1960 | Paul I (Schreinemachers) | 1970 | Charles I (Schumacher) | 1980 | Ger I (Bisschops) | 1990 | Patrick I (Kreutzer) | 2000 | Peter II (Ruijten) | 2010 | Sjef I (Vergoossen) |
| 1961 | Jan I (Hochstenbach) | 1971 | Wiel II (Vissers) | 1981 | Wiet I (Monsieur) | 1991 | Koos I (Vissers) | 2001 | Piet I (Peeters) | 2011 | Nico I (Geerlings) |
| 1962 | Henk I (Smeets) | 1972 | René I (Schillings) | 1982 | René II (Beckers) | 1992 | Koos I (Vissers) | 2002 | John I (Roovers) | 2012 | Wim IV (Hoeijmakers) |
| 1963 | Jo I (Geurts) | 1973 | Wim II (Coolen) | 1983 | Ben I (Levels) | 1993 | Jan III (Housmans) | 2003 | Wim III (Monnens) | 2013 | Maurice I (van de Ven) |
| 1964 | Guus I (Kilkens) | 1974 | Dré I (Cortjens) | 1984 | Huub I (Körvers) | 1994 | Erik I (Aben) | 2004 | John II (Vergoossen) | 2014 | Bastiaan I (Vergoossen) |
| 1965 | Lei I (Papen) | 1975 | Henk II (Severins) | 1985 | Paul IV (Cleven) | 1995 | Jac I (Berkx) | 2005 | Jos I (Heuvelmans) | 2015 | Wilfred I (Peters) |
| 1966 | Michel I (Stassen) | 1976 | Paul II (Pijls) | 1986 | Geer I (Leurs) | 1996 | Eric II (Beckers) | 2006 | John III (van Buggenum) | 2016 | Frank I (Ramakers) |
| 1967 | Wiel I (Rieter) | 1977 | Paul III (Roufs) | 1987 | Clément I (Hoedemakers) | 1997 | Erik III (Effing) | 2007 | Wil I (Wolfs) | 2017 | Gijs I (Gulikers) |
| 1968 | Wim I (Tummers) | 1978 | Martien I (Aerts) | 1988 | Graad I (Beunen) | 1998 | Ton I (Meuwissen) | 2008 | Paul V (Kretzer) | 2018 | Bart I (Sevriens) |
| 1969 | Peter I (Housmans) | 1979 | Jan II (Schwillens) | 1989 | Môn I (Smeets) | 1999 | Jannie I (Simons) | 2009 | Rob I (Hölsgens) | 2019 |
Jeugprinse
[bewirk | brón bewèrke]De Aester haet sinds 1996 ouch eine Jeugprins. De huidige Jeugprins is Nick I (Feller). Hae is daomit de 15e Jeugprins van De Aester.
| Jaor | Prins | Jaor | Prins |
|---|---|---|---|
| 1996 | Bert I (Hausmans) | 2006 | Jeffrey I (Beckers) |
| 1997 | Wouter I (Meeuws) | 2007 | Daan I (van Buggenum) |
| 1998 | Tim I (Aarts) | 2008 | Dolf I (Muyres) |
| 1999 | Jorn I (Hintzen) | 2009 | Dennis I (Goertz) |
| 2000 | Edwin I (Meuwissen) | 2010 | Nick I (Feller) |
| 2001 | Mark I (van Lierop) | ||
| 2002 | René I (Schoenmakers) | ||
| 2003 | Ruud I (van der Zee) | ||
| 2004 | Sven I (Roufs) | ||
| 2005 | Bob I (Joris) |