David Lynch

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


David Lynch

David Lynch op 't Filmfestival van Cannes, 2001
Achtergrondjinfermasie
Volledige naam David Keith Lynch
Gebore 20 januari 1946
Geboorteplaats Missoula (Montana)
Jaore aktief 1966 - noe

David Keith Lynch (Missoula, 20 januari 1946) is 'nen Amerikaanse filmregisseur.

Heer is bekind es e boegbeeld vaan d'n Amerikaanse surrealistische cinema. Lynch maak veural thrillers boe in heer seks, geweldaodigheid en zwarte humor combineert mèt stilistische sjoenegheid en 'n poging tot technische perfectie. In bijnao al zien films vervörmp heer alledaogse dinger oet de Amerikaanse cultuur tot sjieke surrealistische objecte.

Neve 't regissere vaan films hèlt Lynch ziech bezig mèt versjèllende aander activiteite. Heer is kunssjèlder, stripteikeneer, meubelontwerper, hoeglieraar op de University of Fine Arts en ambassadeur vaan transcendente meditatie.

Ind 2018, begin 2019 gaof 't 'n tentoenstèlling in 't Bonnefantemuseum in Mestreech van zien beeldend werk (David Lynch: Someone is in my House).

Levensloup[bewirk | brón bewèrke]

Lynch wouw aonvenkelek kunssjèlder weure. Heer volgde versjèllende kunsacademies, tot heer zienen drej voont op de Pennsylvania Academy of Fine Arts boe heer mèt film góng wèrke. Lynch maakte veer films mèt subsidie vaan 't American Film Institute. Nao versjèllende tentoenstèllinge in galerije verhuisde heer nao Los Angeles boe heer aon 't AFI Center for Advanced Film Studies studeerde. Heer begós aon zien ierste groeter project (Eraserhead), mèt in de hoofrol Jack Nance. Eraserhead woort voltoeid in 1976.

Lynch heet wel 's nao Eraserhead verweze es "My Philadelphia Story". Heer bedoelde daomèt tot alle gevierleke en angsaonjaogende dinger die heer tegekaom dewijl heer in Philadephia woende en studeerde dao in weure weerspiegeld. Heer zag dao euver: "Dat geveul heet depe spore in miech achtergelaote. En toen 't weer droet kaom, is 't Eraserhead gewore".

Zien films speule ziech miestal aof in 't Amerika vaan de plattelandstej (Twin Peaks, Blue Velvet) of de oetgestrekheid vaan Los Angeles (Lost Highway, Mulholland Drive) en d'n doonkere oonderboek hei vaan. 't Geluid nump bij 't maken vaan zien films 'n zjus zoe belangrieke positie in es 't beeld. Veur 'n groet deil wèrk Angelo Badalamenti aon de soundtracks vaan zien films, mer ouch Lynch zelf componeert meziek en geluidseffecte. Lynch is 'ne regisseur vaan wee de beeldtaol en de dialoge herkinbaar zien.

In de jaore tachtig adoreerde Lynch Ronald Reagan. Heer zaot aon bij e diner mèt de Reagans op 't Witte Hoes. Jaore later verdedigde heer Nancy Reagan toen iemes 'n aofkäörende opmerking euver häör maakde.

Lynch is de pap vaan filmregisseur Jennifer Lynch.

Filmografie es regisseur (speulfilms)[bewirk | brón bewèrke]

Filmografie es regisseur (kortfilms en aandere projecte)[bewirk | brón bewèrke]

  • Six Figures Getting Sick (1966)
  • The Alphabet (1968)
  • The Grandmother (1970)
  • The Amputee (1974)
  • Les Français Vus Par (tv-serie, 1988)
    • Aflevering: The Cowboy And The Frenchman
  • Twin Peaks (tv-serie) (1990-1991)
    • Hij regisseerde 6 afleveringen.
  • Industrial Symphony No. 1: The Dream of the Broken Hearted (1990)
  • On the Air (tv-serie) (1992)
    • Aflevering: #1.1
  • Hotel Room (tv-serie) (1993)
    • Afleveringen: Blackout, Tricks
  • Lumière et Compagnie (1995)
    • Segment: Premonition Following An Evil Deed
  • Darkened Room (2002)
  • Rabbits (2002)
  • Dumbland (2002)
  • Boat (2007)
  • Chacun Son Cinéma Ou Ce Petit Coup Au Coeur Quand La Lumière S'Éteint Et Que Le Film Commence (2007)
    • Segment: Absurda
  • Twin Peaks (seizoen 3) (2017)

De korte films zien gebundeld oetgebrach es The Short Films Of David Lynch en Dynamic:1 - The Best Of DavidLynch.com.

Filmografie es acteur[bewirk | brón bewèrke]

  • The Amputee (1974)
  • Zelly and Me (1988) es Willie, op wee Isabella Rossellini's personage verleef is
  • Twin Peaks (1990) es Gordon Cole, de baas vaan agent Cooper
  • Twin Peaks: Fire Walk with Me (1992) FBI Regional Bureau Chief Gordon Cole
  • Nadja (1994) korte scène es receptionist vaan 't liekehoes
  • Twin Peaks (2017) obbenuits es Gordon Cole, de baas vaan agent Cooper


Bibliografie[bewirk | brón bewèrke]

  • Lynch on Lynch, interviews mèt David Lynch, bewèrk door Chris Rodley. Faber & Faber Ltd., Londen, 1997, ISBN 0571195482)

Externe links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=David_Lynch&oldid=433231"