Daniëlswaerd
Dit artikel is gesjreve (of begós) in 't Illekaoves. Laes hie wie v'r mit de versjillende saorte Limburgs ómgaon.
De Daniëlswaerd is ein gebied mit 'n ingewikkelde vergangenheidj, gelege langs de Maas in de Nederlandse provincie Limburg, ten zuidweste van 't gehuch Illekaove. 't Sjiltegebied lik in de tegewoordige gemeinte Zitterd-Gelaen.
't Is in hunderde jaore neet verangerdj Maasgebiedj mit krum dieke en Maasloup en det kens se zeen aan de natuur.
De haof zouw saer de late middelièwe es verdedigingswerk langs de Maas van 't toenmalig hertogdom Gulik - woa Zöstere en Zitterd bie hoorte, - door de Duitse Orde gesjtich zin.
't Is dus van awtshaer gebiedj van de "kruutshieare" van de Groeat Commanderiej van Alden Biesen oet 't Belsj-Lembörgse Bilze, die dao 'ne haof hawwe. Dae haof is in de loup van de 19de ièw langzaam vervalle en in de Twiède Waereldoorlog zin de lètste reste vernieldj. Hievan zeen nog sjtein te vendje.
Van de ieaste familie, familie Lamberichs, later Lambrechts, hubbe 't twie naozate töt Twiede Kamer lid gebrach. J.J. Lamberechts waor een jaor senator en veurde dao eenmaol 't waoërd. [1]
De Daniëlswaerd zouw mit de untginning van de graendj, in 't raam van 't "Grensmaasplan" verdwiene.