Döllen Dinsdig
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Döllen Dinsdig ies in Nederland de naam veur dinsdig 5 september 1944, toen Radio Oranje meldde dat Britse bevriejingstroepe in Breda waore gearriveerd. De term ies aafkómstig van Willy van Houten, veur 't ièrsj gebruuk in 't (door de Pruusje gefinancierde) satirisch blaad De Gil'. Sjdaags deveur waor door de riekscommisaris Seyss-Inquart de oetzónderingstoesjtand oetgerope. Dao lepe toen metein geröchte dat de geallieerde de groate riviere al gepasseerd waore. Terwiel de luuj ziech vaerdig maakde veur de óntvangs van de bevriejers, raakde de Nationaal-Socialistische Bewaeging (NSB) in paniek. Meh ’t weste zou ièrsj nog de hóngerwinter doormake veurdat dao de bevriejing kaom.
Carnaval
[bewirk | brón bewèrke]In Limburg, mèt de Carnaval, sjteit döllen dinsdig bekènd es de dinsdig veur esjelegoonsdig. Dat ies eigelik de lètste vastenaovend. Carnavalszóndig hèt eigelik groate vastenaovend of vètte zóndig, de maondig ies de kleine vastenaovend, op ’t Duutsj Rosenmontag geneump. Wat dae döllen dinsdig betref, ‘ne dölles ies ‘ne gek of emes, dae me neet serieus nump. Dinsdig ies de lètste meugelikheid um gek te doon. D’n daag denao weurt gevas, de sjpas ies veurbie.