Citrien
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Citrien of setrónkwarts is de setróngaele, doorsjienendje variantj van 't mineraal kwarts (SiO2).
Juus wie de anger variëteite van kwarts is citrien e nesosilicaat. De gael kluuer wuuert veroearzaak door spaorelemènte, wobie veural twieëwaerdig en driewaerdig iezer 'ne rol spele. 't Kristalstèlsel van citrien is trigonaal enne helheid is 7.
De naam van 't mineraal is aafgelèdj wore van citrus (dore gael kluuer). De wichtigste vinjplaatse zeen Breziel, Madagaskar en Róslandj.