Château de Hautefort

Van Wikipedia
Naar navigatie springen Jump to search

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Château de Hautefort
Buxustuine vaan Hautefort

Château de Hautefort is 'n kestiel in de Franse gemeinte Hautefort, in de Dordogne. 't Kestiel woort gebouwd op de restante vaan 'n awwer kestiel in de zeventienden iew mèt 'ne Fransen tuin veur Markies de Hautefort. De architectuur liek op de kestiele vaan de Loire. 't Is ein vaan de wienege klassieke gebouwe in de Dordogne. In 1853 woort d'n tuin obbenuits ingeriech door graof vaan Choulot, mèt 'ne landsjapstuin, geometrische blommetuine, gevörmde struuk die de tories vaan 't kestiel naobootse, en 'ne lange greunen tunnel.

In 't begin vaan de twintegsten iew waor 't kestiel hendeg vervalle en waor al 't meubilair, de houte lambrizering en de parkèt verdwene. In 1929 weurt 't gekoch door de baron en barones de Bastard en zie beginne aon de restauratie. Nao d'n doed vaan de baron in 1957 geit de barones daomèt weijer en zie kós in 1966 in 't kestiel goon woene. Op 30 augustus 1968 brand 't kestiel groetendeils aof. De barones begint obbenuits mèt de renovatie gestimuleerd door nationaole gifte, mer zeker door de lokaol bevolking en versjèllende bekinde lui. In 1977 kin de barones obbenuits in 't kestiel goon woene en weurt 't opegestèld veur 't publiek.

In 1984 riech de barones 'n stiechting op boe zoewel 't gebouw en 't domein, es al 't meubilair en de gansen inhaajd in weure opgenome. 'n Deil vaan 't kestiel is nog neet te beziechtege umtot 't nog steeds gerenoveerd weurt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Château_de_Hautefort&oldid=415291"