Catharina-Amalia vaan de Nederlen

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Catharina-Amalia in 't naojaor vaan 2014, op tienjaorege leeftied.
't Waope vaan Amalia en häör twie zösters: gekwartileerd vaan de Nederlen en Oranje (vaan vaajerskant), mèt 't femiliewaope vaan de Zorregieta's (femilie vaan moojerskant) in 't hartsjèld.

H.K.H. Catharina-Amalia Beatrix Carmen Victoria vaan Oranje-Nassau, prinses vaan de Nederlen, roopnaom Amalia, (D'n Haag, 7 december 2003) is 'n Nederlandse prinses. Ze is 't ajdste keend vaan keuning Willem-Alexander en keuningin Maxima. Ze woort gebore es twie in de lijn vaan troenopvolging; sinds häöre pa in 2013 de troen besteeg, is ze kroenprinses.

Biografie[bewirk | brón bewèrke]

Amalia woort op 7 december 2003 gebore in 't Bronovohospitaol in D'n Haag. Häöre naom leekde kort nao häör geboorte oet doortot 't internètdomein catharina-amalia.nl woort gerezjistreerd. D'n duip veur de próttestantse kèrk waor op 12 juni 2004. Peters waore prins Constantijn, Marc ter Haar, Herman Tjeenk-Willink (veurzitter vaan de Raod vaan Staote) en Martin Zorreguieta; meters waore de Zweedse prinses Victoria en Samantha Rengers-Deane.

Amalia doorleep vaan 2007 tot 2015 de openbaar Bloemkampschool in Wassenaar, en góng daonao nao 't Christelijk Gymnasium Sorghvliet in D'n Haag (boe häör zösters later ouch woorte ingesjreve). Zoelaank ze nog gein achtien is, weurt ze gooddeils oet de publiciteit gehawwe. Wel is ze presint op Keuningsdaag en bij officieel peersmominte (wie de traditioneel fotosessie op wintersport in Lech). Sporadisch heet ze ouch korte interviews gegeve, beveurbeeld veur 't Jeugdjournaal op Keuningsdaag.

Bron[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.