Bructere

Van Wikipedia

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Links midde in ‘t roëd

De Bructere (Lat. Bructeri of Boructuari) waas ein alde West-Germaanse stam, waovan de minse laefde in 't taegewoordige Münsterland, zuujlik van 't Teutoburger Woud van umstreeks 100 v.Chr. tot 350 nao Chr. Later is deze stam opgegaon in de groëtere Frankische gemeinschap.

Over eur is bekind det zeej in verbônd met Cheruske, Ampsivare en andere de Romeinse generaal Varus versloge in de beroemde slaag in het Teutoburger Woud in 't jaor 9 nao Chr. De Bructerische profetes Veleda stônd in hoeëg aanzeen beej eur stam. Volgens Tacitus veurspelde zeej de euverwinning van de Batave geleid door Julius Civilis in eur opstand taege de Romeine. De beste plaats um gegaeves euver de Bructere te vinde is in Soest (Westfalen). De naam van 't dörp Brochterbeck (district Steinfurt) vindt zien oorsprông in de stamnaam van de Bructere.

Volgens Tacitus (35) haet de Germaanse stam Chamave 't land van de Bructere euvergenaome.

PULSIS BRUCTERIS AC PENITUS EXCISIS VICNARUM CONCENSU NATIONUM...
de Bructere zien verjaag en bijna oetgeroeid beej einen oorlog met naoburige stamme...

Toch waordte de Bructeri auk later nog vermeld. Oet 't begin van de veerde ieuw kinne we de Bructerische vorste Ascaricus en Merogaisus. In 307 waord eur stam verslage door keizer Constantijn. De gevangegenaome vorste leet hae in de arena van Trier veur de wilde biëste werpe. Op de Peutingerkaart (3e/4e ieuw nao Chr.) waere de Burcturi geneump in 't gebied rechs van de Rien taegeneuver de staeje Bonn en Kölle.

Ein legereenheid van de Bructeri in Romeinse deens wuerd vermeld in de Notitia Dignitatum óet 't ierste kwart van de 5e ieuw nao Chr.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bructere&oldid=343180"