Briegde

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Laonekes, es te dit dialek sjpriks.

---

Briegde (Nederlands: Briegden) is e gehuch in Belsj Limbörg, in de Laoneker deilgemeinte Gellek, mèt in 2003 268 inwoeners. 't Ligk aon de N78 (plaotselek Kiezelwaeg geneump) noordelek vaan Wezent en zuielek vaan Laoneke-dörp. Vaan Gellek-dörp is 't gesjeie door 't Albertkenaal, wat bij Briegde nao 't weste drejt. Es me bij Briegde oet 't Albertkenaal nao 't noorde blijd vare kump me door 't Verbindingskenaal Briegde-Neerhare. In Briegde ligk ouch 'ne veur de regio oongewoene holle weeg.