Boumsjpek
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Euver boumsjpek wirt in väöl Limburgse dialekte gesjpraoke es me ’t haet euver gebakke appelsjieve. Dees appelsjieve waere gewoon in ein braojpan gebakke net wie sjpek van ein verke.
’t Woord is óntsjtaon wie me vreuger oet ermeuj en biej gebrek aan vleisj van ’t verke ’t moosj doon mèt fruit. Dan woorte eppel in sjiefkes gesjneje en in de pan gebakke, zoadat me toch ’t geveul hèj dat me wat fetsoenliks op de taofel hèj.
De sjieve woorte dan meistal tösje tweë sjneje broad gelag en zoa, al dan neet besjtruijt mèt sókker, wie ein bótterham opgegaete.