Borre (Fraankriek)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Borre op de kaart van Frankriek
Borre
Borre
Borre op de kaart van Frankriek
Waope vaan Borre
Ligking vaan Borre in 't arrondissemint Duinkerke en 't kanton Hazebroek-Zuid.
De Sint-Jan-d'n-Duiperkèrk in Borre.

Borre (oetspraok (Nederlands/Wes-Vlaoms) [bɔrə]; (Frans) [boʁ]) is e dörp en 'n gemeinte in Frans-Vlaondere, arrondissemint Duinkerke, kanton Hazebroek-Zuid, gelege aon de D642. 't Ligk e paar kilometer oostelek vaan Hazebroek en eine kilometer westelek vaan naoberdörp Pradeels. De ganse gemeinte kint oongeveer 550 inwoeners.

Bezeensweerdeghede in de gemeinte zien de gooddeils romaanse Janskèrk (foto) en 'n Britse militair begraofplaots oet d'n Ierste Wereldoorlog mèt zoe'n 300 graove. Ouch op de kèrkef ligke nog zoe'n 10 Britse soldaote. 't Dörp heet es veurzieninge 'nen daagwinkel, 'ne kaffee en e restaurant. Boete d'n dörpskómp ligk 'ne camping.

Historie[bewirk | brón bewèrke]

Borre weurt in 806 veur 't iers geneump es Berbona; in 1174 hèt 't al Borre. Vaanaof d'n twelfden iew liet ziech 'n femilie oontdèkke die 'n hierlekheid Borre bestuurt. Later kump dees hierlekheid aon de hiere vaan Sint-Omaars-Pienne, Halewijn en tot slot Sint-Omaars-Moerbeke. In 1940 weurt bij Borre e Duits vleegmesjien neergehaold.

Waope[bewirk | brón bewèrke]

't Waope vaan Borre liet ziech zoe umsjrieve:

Vaan lazuur (blauw) mèt 'nen dweersbalk vaan goud.

Dit is 't femiliewaope vaan de hiere vaan Sint-Omaars-Moerbeke, geneump nao 't kortbij dörp Moerbeke. Dit dörp dreug um die rei 'tzelfde waope wie Borre.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Borre_(Fraankriek)&oldid=457713"