Bleek

Van Wikipedia
(Doorverweze van Blik)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


E conservebleek.

Bleek is dunne gewalsdje plaatstaol. Aafhenkelik van 't gebroek duit me dao döks 'n besjurmlaog taenge corrosie (rós) opplekke. Van aadshaer oet waas det tin, mer allewiel is det ouch plestiek en (veur drank) alleminium.

'n Wichtige toepassing van bleek is verpakking, wie van laevesmiddele. Me mót den dinken aan conservebleek of drankbleekskes. Veur zoer laevesmiddele mót me de besjurmlaog aanpasse, went staal wuuert gemekkelik daodoor aangetas, waat zich ouch uutj inne smaak. De diekdje van 't matterjaal wusjeltj ouch.

Veurhaer woort bleek ouch väöl gebroek bie 't vervaerdige van eiveljige hoeshaadsartikele, wie handjvaeger en bleek, mer ouch veur speelgood. Allewiel is de fónksje van bleek dao kómme te vervalle; 't haet plaats mótte make veur plestiek. Inkel veurdeil van plestiek zeen det t'r lichgewich, baeterkoup, corrosiebestenjiger en vervörmbaarder is. E naodeil van plestiek is aevel det t'r slech is te recycle; bleek daotaenge is prima te recycle.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bleek&oldid=439923"