Bisdóm Remunj
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Remunjs, es te dit dialek sjpriks.
't Bisdóm Remund is e roems-katheliek bisdóm wat oonderdeil oetmaak vaan de Nederlandse kèrkprovincie en samevèlt mèt de wereldleke Nederlandse provincie Limbörg. 't Bisdóm woort oersprunkelek gestiech in 1559 en obbenuits opgeriech in 1853, naotot de Nederlandse groondwèt vaan 1848 vrijheid vaan godsdeens had ingestèld. De kathedraol kèrk vaan 't bisdóm is de Christoffelskèrk in Remund (zuug 't pleetsje). Sinds 2024 is Ron van den Hout bisjop; heer weurt bijgestande door hölpbisjop Everard de Jong. De petroenheilege is Maria vaan de Oonbevlekde Oontvaangenis; die häöre fiesdaag 3 september is. De preesteropleiing gebäört op 't groetseminarie vaan Rolduc. In 2023 waor nog 53,3% vaan de bevolking (ca. 602.000 lui) in naom katheliek; daovaan geit mer e klein deil nog geregeld nao de kèrk (ca. 19.500 op 'ne zoondaag).[1]
Brónne
[bewirk | brón bewèrke]
Dit artikel is e sjtumpke. De kans Wikipedia helpe door 't aan te völle