Bende van Venlo

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Mit de Bende van Venlo wuurt 'n geruchmakende gróp criminele oet de stad Venlo gemeind. De gróp is veural bekind vanwaege de misdrieve die ze plaegde tösse de vastelaovesperiode van 1993 en 1994. In 1997 woorte achtieën manne mit 'n laeftied van tösse de viertieën en de 56 jaore door de rechbank van Remund schöldig bevónde aan mier as twieëhónderdenfieftig geweldsdelikte en veroerdeild tot gevangenisstraove van tieën jaore tot laeveslang. Geld waas dök 't insig motief, al ware de verdachte ouk betrokke beej conflikte in de drugswaereld. De bende kint me opdeile in 'ne Venlose en 'nen Törksen tak. Aan 't houf van de bende stónd Frenkie Peeters, dae woort veroerdeild veur zès van de zaeve vermeudelike maorde, waorvan dreej ech bewieze kóste waere. D'n anderen houfdaoder waas Sanny Peters, 'ne vrind van Peeters. De twieë kwame oet twieë totaal verscheie sociaal milieus.

Wie umvangriek eur misdaode ech ware, is aevel nog ummer neet dudelik. Dreej lichame woorte gevónde: ein van 'ne weethandelaer op de Ruiver en van 't hoeëgbejaarde echpaar Van Rijn in eur hoes aan de Klagenfurtlaan in Venlo-Naord. Dreej Törkse slachoffers zouwe in 't netuurgebeed 't Zwart Water zeen geliquideerd nao de maord op d'n Törkse Venlonaar Ibrahim Karaca aan d'n oever van de Maas in de nach van 18 op 19 juni 1993. Zien lief zouw 'n jaor later gevónde zien door twieë jaegers. De ander slachoffers zeen wies op d'n daag van vandaag noeëts truukgevónde. Bendelid Dennis P. woort toch veur ein maord op ein van die Törke veroerdeild.

Extern linke[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bende_van_Venlo&oldid=422930"