Batsekratzers
Dit artikel is gesjreve (of begós) in 't Zösters. Laes hie wie v'r mit de versjillende saorte Limburgs ómgaon.
’n Leedje veur de Zösterse Maedjes woor de aanleiding veur de oprichting van de vastelaoveszanggroep de Batsekratzers oet Zöstere. René de Serière sjreef ’t leedje Te Awt Veur? (meziek van Nico Dirkx), wo de Maedjes nog eine kieër mit wólle knalle op de Zösterse sjlageraovend in 1997. Um oeteinloupende raejes mooste de maedjes versjtek laote gaon en toen woort 't leedje gebrach door René mèt get vrunj en vriendinne. De groep goof zich de naam: de Batsekratzers. ’t Jaor daonao deje ze weer mèt. e Sjèl nuuj leje kaom oet zaalvoetbalklub Sjlaop Mèr Wiejer.
Gouwe periode
[bewirk | brón bewèrke]De gouwe periode brook aan róndj de milleniumjaore: in 1999, 2000 en 2001 ginge ze mit de groatse ieër sjtrieke in ’t Zösterse Graasboerriek. ’t Mènke oppe Mèrt (1999) mit performence van Mark Mols es Mènke oppe sokkel, höbbe 'n plaats verworve in de Zösterse vastelaovend en ’t Geit wie ’t Geit is ‘ne bestseller gewaore.
Ouch op ander plaatse waort opgetroje. In 2005 hawwe ze ’n cd-presentatie (van Bètske tot Bats).
Ouch Jos Laumen van Limbo Music haet deze jónges en maedjes óntdek: ze sjtaon op de Limburgse verzamelcd Vastelaovesvirus.
Dees groep hou als hoogtepunt 't bereike van de LVK finale 2008 in Sevenum mit 't nummer Operetteketet. Dees plaat waor gesjreve door Arno op de Kamp.
Samesjtèlling
[bewirk | brón bewèrke]Door de jaore zeen d’r get luuj de revu gepasseerd bie de Batse: beveurbeeld Gerardo Romero (inmiddels beroemd mit Pinchitos Caliente) en Wim van Juulke van de Mäös, jaorelangk same mit René verantwoordelik veur de tekse en ideë.
De Batse besjtaon oet: John Sanders, Ilona Vluggen, Mark Mols, Carla Widdershoven, Stefan Hamers, Silvia Bakkes, Rob Bakkes en Jenny Schepers.