Baer de Woers

Van Wikipedia
Gank nao: navigatie, zeuke

Dit artikel is gesjreve in 't Venloos. 't Weurt gewaardeerd óm in dit artikel 't Venloos aan te hauwe of aan te gaeve welk anger dialek gebroek is.


Baer de woers.jpg

Baer de Woers waas ein Venloos stadsfiguur. Baer de Woers waas d'n beejnaam van Lambert Godfried Francken.

Baer woort gebaore in Venlo op 14 maart 1843 as zoon van Willem Francken en Maria Hueren op 't Kolenstraatje 55. Baer is zien ganse laeve vreejgezel gebleve en is op 19 juli 1916 in Venlo gestórve.

Naamsverklaoring[bewirk | brontekst bewerken]

Veur de herkôms van ziene beejnaam zien twië verklaoringe. Volges de eenvoudigste verwies dae beejnaam nao de veurleefde van Baer veur wors. Waarschienlik waas daen beejnaam oorsprônkelik dan ouk Baer de wurst en is later verbasterd tot Baer de Woers. De benaming Baer de wurst steit ouk met de hand geschreve op de achterkant van ein alde femieliefoto. De twiëde verklaoring wilt det Baer in zien huuske op Hetje nummer 5 , stökke wors aan ’t plefôn had hange um zoë te veurkômme det de ratte d’r aan kôste kômme.


Wae waas Baer de Woers[bewirk | brontekst bewerken]

Baer waas arbeider gemeintewerke en beheerder van de gemeintelikke puinplaats. Hae woort bekind umdet hae zich ein paar kiër per jaor in ’t gala stook. Terwiel hae normaal as beheerder van de puinplaats allein werkplunje aan had, droog hae dan de kleier van eine deftigen hiër: hoëge zwarte schoon, witte bôks, wit euverhaemp, gekleurde slieps, zwarte jas met pochetje en eine stroeijen hood. Zoë aangekleid leep hae dan door de stad en ging op vaste plaatse staon um te prônke. Aaf en toe waas hae ein tiedje oét ’t Venlose straotbeeld verdwene. Dan zoot Baer, dae gaer ein stevig borreltje drônk, ein tiedje in ein inrichting veur drankzuchtige in Ommen.


Baer de Woers standbeeld[bewirk | brontekst bewerken]

Um stadsfiguur Baer de Woers te iëre woort in september 1983 op de Joédestraot (Jeustraot) ein beeldje van um ônthuld.


Verantwoording[bewirk | brontekst bewerken]

Baovestaonde teks is groeëtendeils euvergenaome van de homepage van Baer de Woers. Dit nao euverleg met-, en toestumming van d'n eigenaer.

Stichting OB de Woers[bewirk | brontekst bewerken]

Stichting OB de Woers probeert jônge minse enthousias te make veur Limburgs dialek, veur de plaatselijke volkscultuur en de regionale geschiedenis.

Extern links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Baer_de_Woers&oldid=348976"