Atoomgewich
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Atoomgewich guuef de massa van 'n atoom aan en wuuert oetgedrök inne atomair massa-einheid (u). Ederen isotoop van e sjemisch elemènt haet 'n anger atoomgewich.
't Atoomgewich van 'n element es gehieël wuuert gedefinieerd es 't gewaog gemiddeldj vanne atoomgewichter van al de netuurlike isotope, wobie de rilletieve presentie, de maot worin ederen isotoop verheljingsgewies veurkump oppe aerd, wuuert mitgewaog. Dit gemiddeldj wuuert meis in taofelen aangeduudj mit "rilletief atoomgewich".
Aangezeen per diffeniesje ein mol kaolstóf vannen isotoop 12C twellef gram massa bevatj, is 't atoomgewich van ein atoom 12C geliek aan 12/NAV gram = 1,93×10-26 kg. Hiebie steit NAV veur 't getaal van Avogadro, per diffeniesje 't aantaal atomen in ein mol aan substansje.
Ieëre hawwe sjeikundigen en netuurkundige versjillige sjaole veur 't atoomgewich. Sjeikundige eikdjen 't atoomgewich van zoerstóf (raekening hajendj mit alle isotope) op próntj 16; dewiel de netuurkundige 16 toekandjen ane meis-veurkómmendjen isotoop van zoerstóf, namelik dae van 8 protonen en 8 neutrone ('t massagetaal).