Gelidpoetege
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Kolihapeltis sp., 'nen trilobiet;
Stylonurus excelsior, 'n ziesjorpioen;
Israëlische goudsjorpioen (Scorpio maurus);
Blauw krab (Callinectes sapidus);
Doezendpoet (soort oonbekind);
Papilio glaucus, 'n insek.
De Gelidpoetege (Grieks-Latiense naom Arthropoda; aander meugelike vertaoling geleipoetege) zien 'n stam vaan 't Diereriek. 't Is vaan alle stamme wiedoet de groetste, mèt bekans ein miljoen soorte bekind. De meiste gelidpoetege zien diere in de orde vaan groetde vaan 10-2 m, allewel tot väöl soorte daobove of dao-oonder zitte. Ze höbbe, aanders es väöl primitiever diere, dudelek aonwiesbare herses en hert, wie primitief ouch. De pu bestoon oet mie stökskes. De indeiling in oonderstamme is zoe:
- Trilobitomorpha (oetgestorve)
- Chelicerata (Spinne en verwante)
- Uniramia
- Väölpoetege (Myriapoda)
- Zèspoetege (Hexapoda)
- Krabechtege (Crustacea)
In de jaore '70 woorte de oet 't Cambrium aofkómstege fossiele vaan de Burgess Shale perceis bestudeerd. 't Mies-veurkoumend fossiel in de Burgess Shale is Marrella, dat ieder woort ingedeild bij de trilobiete. 't Bleek evels dat Marrella in gein vaan de veer bekènde gróppe kós weure oondergebrach: Marrella heet twie paar oetsteeksele aon de kop, bei veur de moond geplaots. In modern indeilinge vaan de Gelidpoetege weurt 't daoveur dèks mèt e paar aander verwaante soorte in 'nen eigen oonderstam geplaots, de Marrellomorpha.
Dit artikel is e sjtumpke. De kans Wikipedia helpe door 't aan te völle