Arie Slob

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Arie Slob (Nieuwerkerk aon d'n IJssel, 16 november 1961) is 'ne Nederlandse politicus vaan de ChristenUnie (CU) en d'n allewijle Nederlandse minister veur Primair en Secundair Oonderwies en Media (Basis- en Voortgezet Onderwijs en Media) in 't Kabbinèt-Rutte III.

Slob kump oet 'n gerifformeerd vrijgemaakde kèrksgemeinsjapp. Tijes zien studie historie aon de Rieksuniversiteit Greuninge begos heer in 1984 same mèt de latere journalis Stevo Akkerman biebels te smokkele nao communistisch Roemenië.

Nao zien studie woort heer lieraar maotsjappijlier in Zwolle. Dao waor heer ouch gemeinteraodslid veur 't christelek-conservatief Gereformeerd Politiek Verbond (GPV) vaan 1993 bis 2001. In dat lèste jaor waor heer veur e jäörke GPV-lid vaan d'n Twiede Kamer. Dat lökde naotot Gert Schutte es GPV-lid aofsjeid naom vaan de Kamer. Bij de verkezinge vaan 2002 woort de GPV gefusseerd es deil vaan de nui partij ChristenUnie. Hei woort heer neet direk verkoze, mer kaom heer e haaf jaor later weer de Kamer in wie fractieprizzendènt Kars Veling 't parlemint verleet.

Bij de verkezinge vaan 2003 woort Slob wél direk verkoze. Heer heet mètgedaon aon belaangrieke projekte, wie de kemissie veur infrastructuurprojecte, versjèllende portefeuilles wie oonderwies, weitesjap, binnelandse zake en veilegheid en es co-sjriever vaan 't zoegenaomde Lènteakkoord op 26 april 2012 (mèt VVD, CDA, D66 en GreunLinks. Vaan 2007 bis 2010 waor heer fractieveurzitter. In 2011 woort heer Partijleier, wat heer euvernaom vaan André Rouvoet. Dat bleef heer bis 2015, wie Gert-Jan Segers 't amb euvernom. Allewijl is Slob minister veur Primair en Secundair Oonderwies. Dit is 'n ministersjap zoonder portefeuille wat vilt oonder de autoriteit vaan 't Ministerie vaan Oonderwies, Cultuur en Weitesjap, boe Ingrid van Engelshoven minister vaan is.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Arie_Slob&oldid=433532"