Ares I
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Ares I woar 'n rakèt die oontwikkeld woort um lui de ruimte in te lancere ('n zoegenaomd Crew Launch Vehicle) es oonderdeil vaan 't groetere Constellation program vaan de NASA. Veur vrach te lancere woort de Ares V oontwikkeld. De oontwikkeling vaan 'n nui rakèt is nudeg umtot de Space Shuttle nao 2010 neet mie zal vlege, en de VS gein aander meneer heet um lui in de ruimte te kriege. De bedoeling waor tot de ierste operationeel vlöchte in 2014 zouwe goon plaotsvinde.
Op 1 fibberwarie 2010 stèlde president Barack Obama evels veur um 't program te stoppe in verband mèt bezuiniginge, mer dat moot nog weure goodgekäörd door 't Congres.[1]. De "administrator" vaan de NASA, Charles F. Bolden, heet in zien verklaoring op 't veurstèl evels ouch aongegeve tot 't gestop weurt.[2]