Arelerland

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Keëtje van 't Arelerlank. Klik t'rop um 't te vergroeëte

't Arelerlank (Dütsj en Luxemburgs: Arelerland of Areler Land - Luxemburgse oetsjproak: [ˈaːʀəlɐlɑnt], Dütsje oetsjproak: [ˈaːʁəlɐlant]; Frans: Pays d'Arlon, [ˈpe.i d ͜ aʀ.lɔ̃]) is 't gedilte van de Belsje provins Luxemburg, oeë me van aodsher Luxemburgs kalt. Dat is hüj neet mieë zoeë, umdat de mieëtste lüj die doa woeëne inne letste hóngerd joare zint uëvergegoan óp 't Frans of e Welsj dialek. Hoofsjtad is Aarle.

De sjtreek woar lang óngerdeel van 't Groeëthertogdom Luxemburg. Wie d'r Belsje sjtaat in 1830 woeëd ópgerich, koam 't óp Belsj grónkgebeed te ligke. De grens zouw samevalle mit de taalgrens, mar vuur 't Arelerlank woeëd um sjtrategische reë 'n oetzundering gemaak en zoeë woeëd 't Arelerlank aafgesjeie van 't hertogdom.

't Groeëtste deel ligk in Lotharinge, dewiel 't noarde (Martelange en umgeëving) al in de Ardenne ligk. De grenze van de sjtreek valle noagenóg same mit de grenze van 't arrendissement Aarle.

Aafbeeldinge[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Arelerland&oldid=442338"