Aragón

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Regio van Spanje Aragón Aragó (Catalaons)
Hoofplaats	Zaragoza
Opperflaakde	47.719 km²
Inwoeners – Deechde	1.317.847 (2015) 28/km²
President	Javier Lambán
Vouksleed	Himno de Aragón
Taole	Spaons, Aragonees, Catalaons
ISO 3166-2	ES-AR
Website	www.aragon.es

Aragón

Aragón (Nederlands, verawwerd: Arragon, Arragonië) is ein vaan de 17 otonoom regio's vaan Spanje mèt mie es 1,3 mieljoen inwoeners in 't noordooste vaan Spanje. De hoofstad vaan Aragón is Zaragoza.

Geografie

Aragón grens in 't noorde aon Fraankriek, in 't ooste aon Catalonië, in 't zuie aon Valencia en in 't weste aon Castilië-La Mancha, Castilië en León, La Rioja en Navarra. De noordeleke grens mèt Fraankriek weurt gevörmp door de tóppe vaan de Pyreneeë. 't Centraol deil vaan Aragón is vlaker, hei vins te 't struimvlak vaan de Ebro, dee de regio vaan oos nao wes kruus. thumb|left|200px|Formigal (Huesca) in de winter

Historie

Betrach Keuninkriek Aragón veur 't hoofartikel euver dit óngerwerp.

Alleweil Aragón waor de kern vaan 'n middeliews keuninkriek, wat in de 15en iew 't ganse ooste vaan Spanje umvatte en zienen invlood euver 't weste vaan de Middellandse Zie oetbreidde tot Italië en Griekeland.

Taole

Aragón heet slechs ein officieel taol, 't Spaons, mer in de praktijk weure op kleinere schaol nog twie aander taole gesproke: 't Aragonees in de bergvalleie in 't noorde en 't Catalaons in 'ne strook in 't ooste vaan de regio, dee ouch bekindsteit es La Franja. Alletwie de taole weure wèttelek beschermp mer höbbe geinen officiële status.

Bestuurlijke indeiling

Aragón is oonderverdeild in drei provincies:

Provincie	Inwoenertal	Hoofstad	Inwoenertal
Huesca	215.846	Huesca	48.530
Teruel	141.091	Teruel	34.240
Zaragoza	912.056	Zaragoza	660.859
Totaal	1.269.067