Antoine Bouwens

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Hunsels, as te dit dialek sjpriks.

Antonius Hubertus Maria Bouwens (Hunsel, 22 mei 1876Beverwiek, 28 mieërt 1963) waas eine veurmalige Nederlandse sjötter, dae tweë maol veur Nederlandj deilnaom aan de Olympische Sjpele.

Biografie[bewirk | brontekst bewerken]

Bouwens waas reiziger van beroop, mer later neumde hae zich boterhanjelaer. Hae waas lid van de Sjerpsjöttesj Vereiniging Oranje Nassau in Den Haag.

Hae waas lid van de Nederlandse Olympische ploog die deilnaom aan de Olympische Spele van 1900 in Paries. Op dees Sjpele kaom hae oet op de individueel óngerdeile gewaer/ligkend (26e), gewaer/knelend (11e), gewaer/sjtaonde (28e) en revolver 50 maeter (15e). In 't totaalklassemènt gewaer individueel drie hawwinge woort hae 27e. Zien groatste succes op dees Sjpele waas aevel ein brónze medaje die hae behaolde mèt 't team revolver 50 maeter. Dit team besjtóng, behauve Bouwens oet Dirk Boest Gips, Henrik Sillem, Solko van den Bergh en Anthony Sweijs. Bouwens waas mèt dees brónze medajje de eësjte Nederlands Limburger in de gesjiedenis van de Olympische Sjpele dae ein medaje wón.

Zien tweëde deilname aan de Olympische Sjpele waas in 1920 in Antwerpe. Hae naom hiej deil aan de nummers individueel vriej pistoal, 50 maeter en individueel militair gewaer, drie posities, 300 en 600 maeter. Mèt 't team behaolde hae resp. ein 12e, 9e, 10e en 13e plaatsj.

Hae wón ouch diverse medajjes biej de Waereldkampioensjappe sjete, zoa-es ein zilvere op 't nummer sjnelvuurgewaer in 1901 veur teams en ein individuele gouwe medajje op 't nummer militair gewaer in 1914.

Ziene broor Herman Michiel Bouwens waas ouch 'ne sjötter en es zoadanig aevenèns deilnummer aan de Sjpele van 1920.

Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Antoine_Bouwens&oldid=348952"