Ankara

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

De Kocatepe-moskee in Ankara. Oondaanks zie traditioneel aonziech kaom de moskee pas in 1987 veerdeg; Ankara heet oondaanks zien awwerdóm rillatief wieneg aw gebouwe.

Ankara is de hoofstad en twiede groetste stad vaan Turkije. De stad, die in 't midde vaan 't land ligk, heet zoeget 4,5 mieljoen inwoeners. Ankara is geïdentificeerd gewore mèt de Hethitische stad Ankuwaš, meh dit is oonderwerp vaan discussie. Wel höbbe de Hethiete hei gezete, zoe good wie later de Frygiërs. Volgens bepaolde euverlieveringe zouw keuning Midas de stad höbbe gestiech. In de Grieksen (hellenistischen) tied kaom de stad bekind te stoon es Ankyra (Ἄγκυρα, lètterlek 'aanker'), in de middeliewe - entans in Wes-Europa, es Angora. (Deze naom weurt allewijl nog gebruuk veur de angorakat, e hoeskatteras wat hei vaandan kump.) Tot 1073 waor 't deil vaan 't Byzantijns Riek, toen veel de stad veur de Seldzjoekse Turke. Later liefde de Osmaanse Turke de stad in. Vanaof 1920 had generaol Atatürk hei zien hoofkerteer; bij de stiechting vaan de Turkse Rippubliek in 1923 maakde heer Ankara hoofstad in plaots vaan Constantinopel. Sindsdeen is de stad hendeg gegreujd.

  Dit artikel is e sjtumpke. De kans Wikipedia helpe door 't aan te völle