Bekiek brón van Anguilla

{{dialek|Mestreechs}}
{{deptabel|
| naamlandj = Anguilla
| vlag = [[Plaetje:Flag of Anguilla.svg|120px|Veendel vaan Anguilla]]
| waope = [[Plaetje:Coat of Arms of Anguilla.svg|70px|Waope vaan Anguilla]]
| locatie = [[Plaetje:LocationAnguilla.png|250px|Ligking vaan Anguilla]]
| moojerlandj = [[Vereineg Keuninkriek]]
| tale = [[Ingels]]
| hoofsjtad = [[The Valley]]
| sjtaotsvörm = [[Brits euverzies territorium]]
| sjtaotshoof = [[Elizabeth II vaan 't Vereineg Keuninkriek|Elizabeth II]]
| titelhoofregering = gouvernäör
| naamhoofregering = William Alistair Harrison
| titelhoofregering1 = ierste minister
| naamhoofregering1 = Hubert Hughes
| km2 = 91
| pctwater = bekans 0
| inwoeners = 13.600
| deechde = 132
| munteinheid = [[Oos-Caribischen dollar]]
| tiedzaone = -4
| valutacode = XCD
| fiesdaag = 30 mei
| vouksleed = [[God bless Anguilla]],<br> [[God save the King]]
| tld = ai
| landjcode = AIA
| tillefoon = 1-264
}}
'''Anguilla''' is 'n eiland in 't [[Caribisch gebeed]] en 'n euverzies territorium vaan 't Vereineg Keuninkriek. 't Maak deil oet vaan de [[Klein Antille]] bove de wind en vörmp 't noordelek ind vaan dees arsjipel. Anguilla heet wie zoeväöl naobereilen 'n Brits-Creoolse cultuur; allewijl geneet 't veural bekindheid es belastingparadies.

==Bestuurleke indeiling==
Anguilla is verdeild in veertien distrikte:

{|
|
# [[Blowing Point]]
# [[East End (Anguilla)|East End]]
# [[George Hill (Anguilla)|George Hill]]
# [[Island Harbour (Anguilla)|Island Harbour]]
# [[North Hill (Anguilla)|North Hill]]
# [[North Side (Anguilla)|North Side]]
# [[Sandy Ground (Anguilla)|Sandy Ground]]
|
<ol start=8>
<li> [[Sandy Hill (Anguilla)|Sandy Hill]]
<li> [[South Hill (Anguilla)|South Hill]]
<li> [[Stoney Ground]]
<li> [[The Farrington]]
<li> [[The Quarter (Anguilla)|The Quarter]]
<li> [[The Valley (Anguilla)|The Valley]]
<li> [[West End (Anguilla)|West End]]
</ol>
|}

==Fysische geografie==
Mèt 91 km² - oongeveer zoe groet wie [[Terschelling]] - is Anguilla behöbbelek klein; väöl eilen in de buurt zien groeter. Bergechteg is 't bepaold neet; Crocus Hill is mèt 65 meter 't hoegste punt vaan 't eiland. 't Eiland is daan ouch neet völkanisch, meh besteit oet [[koraol]] en [[leistein]]. Um Anguilla heer ligke nog get zier klein, gooddeils oonbewoende eilendsjes, boevaan [[Scrub Island]], [[Dog Island]] en de Prickly Pears nog de groetste zien.

Direk ten zuie ligk [[Sint Maarten (eiland)|Sint Maarten]], boe [[Sint Maarten (Frans)|'t Frans deil]] nog gein tien kilometer vaan eweg ligk. 't Water tösse de bei eilen neump me de [[Straot vaan Anguilla]]. Wie gezag ligke noordelek vaan Anguilla gein eilen mie; de kètte vaan de Klein Antille geit evels nog wel door in de [[Maagde-Eilen]], die zoe'n 150 kilometer westelek vaan Anguilla ligke.

===Levende natuur===
't Eineg inheims zoogdier, boete de ziezoogdiere, is de [[vleermuis|vleermoes]] ''[[Monophyllus plethodon]]'', dee op de mieste bovewindse eilen veurkump. 159 [[veugel|vogelsoorte]] zien bekind, boevaan 'rs eine is geïntroduceerd en 68 zeldzaom of daolgas zien. [[Endemie|Endemische]] soorte kint 't eiland neet.

==Cultuur en demografie==
===Etnische verdeiling===
De groete mierderheid vaan de bevolking is [[negers|zwart]]: 90,08% bij de volkstèlling vaan 2001. Lui vaan gemingk blood make 4,65% oet, [[blaanke]] 3,74%. Bij dezelfde volkstèlling waor 28% neet-Anguillaons. Dees lui kaome oet Caribische naoberlen, oet 't [[Vereineg Keuninkriek]], oet [[de Vereinegde Staote]] meh ouch oet [[Nigeria]]. In de late jaore '00 zien ouch arbeiers oet [[China]], [[India]] en [[Mexico]] 't eiland opgekoume.

===Taole===
De officieel taol is [[Ingels]]. De zwarte bevolking sprik 'n creooltaol<ref>[http://www.ethnologue.com/show_country.asp?name=AI Ethnologue report for Anguilla]</ref> die groete euvereinkomste vertuint mèt de taole vaan [[Antigua en Barbuda]], [[Dominica]], [[Montserrat]] en [[Saint Kitts en Nevis]] - me zuut dees variante es dialekte vaan ein taol, 't [[Bovewinds Creoolingels]].<ref>[http://www.ethnologue.com/show_language.asp?code=aig Ethnologue report for language code: aig]</ref>

===Religie===
De bevolking is hiel euverwegend christelek. Vaanajds waore de mieste eilanders [[anglicanisme|anglicaone]] of [[methodiste]], meh de lèste jaore numme nui genoetsjappe wie de [[zevendendaagsadventiste]] en de [[pinkstergemeinte]]s väöl geluivege weg. Immigratie oet naoberlen heet ouch veur mie kathelieke gezörg.

==Historie==
In de precolumbiaansen tied waor Anguilla, wie de res vaan de Antille, bewoend door [[Arowakke]], later [[Caribe]]. 't Is oondudelek of Columbus 't eiland (in 1493) gezeen heet; ouch de Fransoze (in 1565) koume daoveur in aonmerking. De naom ''Anguilla'' is [[Aajdspaons]] veur 'iel'; dit zal door de vörm koume die 't eiland vaanoet zie gezeen heet. De Hollenders hadde hei mesjiens in 1631 e fort; dit is evels neet trökgevoonde. Pas in [[1650]] woort 't eiland definitief gekoloniseerd, en wel door de [[Ingeland|Ingelse]], die vaanaof [[Saint Kitts]] kaome opzètte. In [[1666]], bij de [[Twiede Nederlands-Ingelsen oorlog]], bezatte de Fransoze 't eiland kort, wat bij de [[Vrei vaan Breda]] woort oongedoon gemaak. In de kolonialen tied waor Anguilla wieneg belaankriek. 't Woort tot [[1824]] bestuurd vaanoet [[Antigua]], daonao vaanaof Saint-Kitts. Vaanaof [[1967]] maakde 't eiland daodoor deil oet vaan 't otonoom gebeed [[Saint Christopher-Nevis-Anguilla]], wat neet nao de zin vaan de Anguillaone waor. Heidoor kaom 't in 1967 en 1969 tot gewaopenden opstand. De kwestie woort in [[1980]] opgelos mèt de sjöpping vaan 'n apaarte kolonie veur Anguilla.

==Bronne==
''Dit artikel is gebaseerd op, meh neet vertaold oet, 't corresponderend Ingelstaoleg artikel, en wel in [http://en.wikipedia.org/w/index.php?title=Anguilla&oldid=501700361 dees versie]; wijer koume bittekes informatie vaan [[:en:Geography of Anguilla]], [[:en:Mammals of Anguilla]] en [[:en:Birds of Anguilla]].''

===Rifferenties===
<references/>

{{Noord-Amerika}}