Amylase

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Amylase, vreuger ouch waal diastase geneump, is de naam van vertaeringsenzyme die amylose of amylum ('n neet-vertakdje vorm van zètmael) aafbraeke. Alle amylases griepe aan op de α-1,4-glycoside binjing. Amylases kómme zowaal in 't dere- es in 't plantjeriek veur.

Amylase is 'n hydrolase ('n enzym det hydrolyse es mechanisme toepas, det wil zègke 't opnumme van e watermolecuul). 't Is ouch 'n sacharidase ('n enzym det 'n polysacharied sjplits). Amylase, den nag "diastase" geneump, waerde óntdèk in 1833 door de Franse sjemicus Anselme Payen dae 't oet 'n maltoplossing isoleerde. Diastase waas 't aldereerste enzym det waerde óntdèk en waas 't beginpuntj van de modern enzymsjemie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Amylase&oldid=375447"