Alstom
Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.
Alstom (Sjriefwies nao eige ontwerp Corporate Design vanaaf 2007, daoveur ALSTOM, en veur 2001 Alsthom mit h) is ein waereldwied opererendj concern in'ne produksie van energieopwekkers en transportmiddele. 't Hoofkantoor van'ne ongernumming sjteitj op dit moment in Levallois-Perret biej Paries (Frankriek).
't Concern is ein NV, wovan de aandeile op'pe beurs van Paries (Euronext) waere verhanjeldj. Toet 2006 waas de Franse sjtaot de grootste aandeilhajer. Die verkoch toen de aandeile die veural door 't Franse concern Bouygues waerdje euvergenomme, en die zich daodoor grootaandeilhajer moge numme.
't bedrief besjtuitj in principe oet juridisch lossjtaondje ongernumminge, die in 70 lenj van'ne waereld gevestigdj zeen. In september 2008 wirkdje d'r ongeveer 76.000 miense waereldwied. De omzet bedroog in 't bookjaor 2006/2007 (april 2006 toet meert 2007) 14,2 Miljard Euro.
Alstom is waereldleider in 't boewe van hydro elektrische centrales, en in 't ontwikkele van nucleair elektriciteitscentrales sjpeeltj 't bedrief ouch ein grote rol. Verder is 't bedrief waerldjberoemp op 't gebied van hoogsjnelheidstreine. 't Is zowaal boewer van'ne AGV, TGV, en'ne Eurostar series. Ouch weurdj door 't bedrief de Citadis tram geboewdj. Verder levertj Alstom producte veur lokaal transport, regionaal trein modelle, infrastructuur ongerdeile veur de sjpaorwaeg en ein heel deil aanverwantje services.
Gesjiedenis
[bewirk | brón bewèrke]Oorsjpronkelik hédje 't bedrief Alsthom (vanaaf 1989 GEC-Alsthom). De naam Alsthom is afgeleidj van'ne de Franse regio Alsace (Elzas) en'ne achternaam van Elihu Thomson, de oprichter van väöl elektronicabedrieve in'ne VS, Frankriek en 't Verenigd Keuninkriek.
Omdet Ingelstalige ein aafwiekendje oetsjpraok höbbe veur de lettercombinatie 'th' is, om verwarring euver de oetsjpraok te voorkomne, de naam in 1998 gewiezigdj in Alstom.
Alstom haetj onger angere de Duitse rollend materieelfabrikant Linke-Hofmann-Busch (LHB) oet Salzgitter euvergenomme. Leveranseers van elektriese en elektroniese siesteme wie ACEC oet Charleroi (Belsj), SASIB Railway / GRS (Italië, Verenigde Sjtaote en Nederlandj), en Holec oet Ridderkerk (Nederlandj) zeen ouch door Alstom euvergenomme.
Veur de energietak van 't bedrief waerdje eers ein belang van 50% in ABB genomme, waat in 2000 is omgezatj in ein 100% belang.
In Limburg
[bewirk | brón bewèrke]Veur Limburg is 't sjoon om te weite det door Alstom in'ne kommendje jaore weurdj geboewtj aan'ne oetbreijing en vernujing van'ne Clauscentrale in Maasbrach. Dao waere drie gaasturbines geboewdj mit aafgassekaetels, die de aaj sjtoumturbine van sjtoum gaon veurzeen. die sjtoumturbine weurdj waal ein bietje aangepastj aan'ne legere drök.