Ali Hassan al-Majid

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Ali Hassan al-Majid oftewel "Ali Chemicali" (30 november 1941 - 25 jannewarie 2010) waor de naef van Saddam Hoessein en woor in dem zien regime minister van defensie. Hae wört verantjwäördelik gehaoje veur de gifgaasaanvalle oppe Koerde in 't noorde van Irak. Tiejdes de lètste Golfoorlog dach me dat hae woor omgekaome, later bleek det neet zo te zeen.

Proces[bewirk | brontekst bewerken]

Tiejdes zien proces, op 11 januari 2007, goof hae toe in 1988 opdrach te höbbe gegaeve tot exekusie van Koerde die tiejdes de Anfal-campagne weigerde hun dörper in 't noorde van Irak te verlaote. Op 2 april 2007 waerde de doodstraf taenge hem geëis. Nog daezelfde maondj, op 26 april 2007, waerde zien vrouw en zien dochter in hun hoës in Tikrit door onbekinde vermaord. Al-Majid zelf waerde op 24 juni 2007 tot dood door ophanging veroordeild.

Bronne[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ali_Hassan_al-Majid&oldid=348918"