Accent
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Oonder accent (kin me fonetisch oetspreke, mer ouch op 't Frans: aksao) verstoon v'r, in de taolweitesjap, de meneer boe-op 'n taol of dialek kin weure oetgesproke. 't Accent dat iemes heet gief aon boe heer vaandaon kump. 't Nederlands kint beveurbeild e groet aontal accente. Es lui oet Amsterdam, Greuninge, d'n Achterhook, Brössel, Antwerpe of Limbörg Staandertnederlands spreke, kin me miestal dudelek hure boe ze gebore of opgegreuid zien. Strik genome is 't ouch neet nudeg, want mèt 'n accent kin me ziech euveral dudelek make. Evels kin 't, moetsjappelek gezeen, wel ins naodeileg zien um mèt 'n accent te spreke. Dao bestoon noe einmaol väöl veuroordeile tege lui die 'n accent höbbe. Soms koume ze zelfs veur bepaolde berope neet in aonmèrking. Vaan d'n aandere kant zien v'r de lèsten tied ouch tot lui (veural in Duutsland en Nederland met 'n accent gebruuk weure in reclame-tekste op d'n tèllevisie. Op 't Belsj zuut me dat minder, dao is de angs veur vervlaomsing vaan 't Nederlands gaans groet.
Brón
[bewirk | brón bewèrke]- Verhaol vaan eus Taol (Ierste drök 2009, Flor Aarts)