Academy Awards

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Academy Awards, beter bekind es de Oscars, zien 'n serie filmprieze die jaorleks in fibberwarie weure oetgereik door de Academy of Motion Picture Arts and Sciences (AMPAS). Me bekroent hei filmprestaties oet 't aofgeloupe jaor. De pries besteit oet e vergöld beeldsje (d'n 'Oscar') vaan 34 centimeter hoeg, vaan 'n maansfiguur die e zweerd vashèlt. Allewijl weure jaorleks 24 Oscars oetgereik. De prestigieuste is dee veur 'bèste film'; wijers weure prieze oetgereik in categorieë loupend vaan bèste manneleke en vrouweleke hoofrool tot bèste titelsong en bèste korte animatiefilm. De recentsten Oscar is dee veur 'bèste (aovendvöllende) animatiefilm', dee pas sinds 2001 weurt oetgereik. Diverse aander categorieë zien opgeluf. De Academy Awards woorte veur 't iers oetgereik in 1929; me bekroende dao films oet 1927 en 1928. Zoedoende heet de ceremonie allewijl 89 kier plaotsgevoonde.

De Academy Awards zien de belaankriekste en iervolste prieze die 't in de filmwereld gief; zelfs nominaties veur 'nen Oscar gelle es teike vaan groete waardering. Ouch 't doen vaan de presentatie of de oetreiking is 'n groete ier. 't Evenemint weurt jaorleks door mieljoene op de tv bezeen. Kritiek waor door de jaore heer evels op 't al te commercieel karakter en 't oontbreke vaan diversiteit (veural blaanke, Amerikaanse acteurs en rezjisseurs zouwe weure bekroend).


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Academy_Awards&oldid=413545"