Aasjleëg in Dagestan van juni 2024
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Óp d'r 23 juni 2024 vónge mieëder aasjleëg plaatsj i g'n Róssisje sjteë Machatsjkala en Derbent, i g'n zuudliche regio Dagestan. Ónger mieë twieë synagoge een twieë kirke en woare doelwit van gecoördineerde aavalle. Doabei koame zikker 23 luuj um 't leëve en raakde 50 luuj verlets.[1] D'r lokale tak van IS weëd verantwoordelig gehaote vuur de aasjleëg.[1][2]
Achtergrónk
[bewirk | brón bewèrke]Islamitisj terrorisme is gee nui versjiensel i Róslank. 't Lank hat seër 't oeteevalle van de Sovjet-Unie in 1991 te make mit etnische en religieuze sjpanninge in d'r Kaukasus. Vuural i Tsjetsjenië en Dagestan kreeg 't fundamentalisme voot aan d'r grónk. Dit leide tot 'ne gewapende ópsjtand i g'n regio en versjillende terroristisje aasjleëg doaboete, woe-ónger in e sjpitaal in Boedjonnovsk i 1995, in e theatergeboew i Moskou in 2002 en in 'n sjoeël i Beslan in 2004. Nuier óntwikkelinge zint d'r opkoms van IS in dele va g'ne Kaukasus medio joare 2010 en touwnummend antisemitisch geweld seër d'r kreeg tusje Hamas en Israel in 2023 en 2024.[1][2]
Verloop
[bewirk | brón bewèrke]Alle aasjleëg vónge óngevier tegeliekertied plaats, rónk 18.00 oer. Rónk deë tied vele zes gewapende terroriste i g'n zuudliche kössjtad Derbent 'n kirk aan, woe óp dat moment 'n vering plaatsjvóng. De luuj kóste i veiligheed weëde gebrach. Twieë luuj vónge d'r doeëd, woe-ónger d'r preester.[3] Tegeliekertied woeëd de insigste synagoog van de sjtad aangevalle en in brank gesjtoake.[4] Ooch i Machatsjkala, in 't noorde va Dagestan, woeëde 'n kirk en synagoog aagevalle, evvel oane sjlachoffesj. Tegeliekertied sjote terroriste urgesj angesj i g'n sjtad óp pliese-agente.[2] Vervolges woeëde ze doeëdgemaak.[3][2]
Noasjleep
[bewirk | brón bewèrke]Volges de Róssische autoritete zint drei terroriste de zoeëne en 'ne neëf van 'ne lokale politiker.[2] De aasjleëg passe in e patroeën va etnische en religieus polarisatie i Rósland. Verwach weëd dat de sjpanninge heidurch wiejer touwnumme.[1]
Kiek ooch
[bewirk | brón bewèrke]Brónne
[bewirk | brón bewèrke]- ↑ 1,0 1,1 1,2 1,3 The Moscow Times - Attacks in Dagestan Will Marginalize and Endanger Russia’s Muslims. Further.
- ↑ 2,0 2,1 2,2 2,3 2,4 CBS19 - Russian region of Dagestan holds a day of mourning after attacks kill 20 people, officials say
- ↑ 3,0 3,1 Asianews.it - Fr Nikolai, an Orthodox priest who helped everyone, has his throat cut in Dagestan
- ↑ Deutsche Welle - Dagestan: Viele Tote bei Angriffen auf Gotteshäuse