Steigood

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Steigood of aerswerk is 'ne vergaringsnaam veur pöt, sjaole, drinkbaekers en kroeke, mer ouch teechele, gebakken oet klei.

De sumpelste diffeniesje van steigood versteit hie-ónger veurwerpe gemaak van leim of klei. Door dees nao te druuege te doon bakke waere die hel. De gróndjstóf kan dan nimmieë weik waere gemaak door water, wodoor 't neet oetereinviltj. Dit kump dore hoeag temperatuur bie 't bakke, die daoveur zörge det de kleideilkes aanein waere geklitj of gezintjerd.

Bie kwalitatief minder saorte klei blief 't veurwerp döks e bietje poreus, tróds hoeag temperature. Me kan die dan watertoe make door 'n glazuurlaog aan te bringen ane oppervlakdje. Veur dees glazuur gebroek me dan loead- of tinglazuur. Dees smiltje bie rilletief lieëg temperaturen en vleujen euvere oppervlaakdje van 't veurwerp. De glazuur kan zowaal doorzichtig, wit es gekluuerdj zeen. Veur steigood mit glazuur broek me döks de beneuming keramiek.

Väöl-veurkómmendje vörm van steigood zeen:

'ne pot, 'n bewaarplaats veur losse geujer of vleujstóf;
e kèlle ('ne kaetel), worin m'n 't aete kan klaormake;
'n kroek, haet 'n nej, aafsloetbaar äöpening veur vleujstóf in te beware;
'n kan, 'n kroek veur vleujstóf in te bewaren en oet te kónne sjödde;
'ne baeker, veur get oet te drinke;
'n sjaol, veur aeten op aan te kónne beje;
'ne kómp, veur inne handj te hajen en oet te aeten of te drinke;
'n sjóttel, 'nen óngerzitter.