Aals (gemeinte)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Liegking van Aals in de provincie Oas-Vlaandere

Aals (officieel Aalst, Frans Alost) ies 'n sjtad en gemeinte in de Belzje provincie Oas-Vlaandere. 't Aantal inweunersj van de gemeinte waor 77.007 op 1 januari 2005. Bie de gemeinte Aals huère ouch de deilgemeintes Baardegem, Erembodegem, Gijzegem, Herdersem, Hofstade, Meldert, Moorsel en Nieuwerkerken. De sjtad liek aan de Dender.

Sjtadsbeeld

Belfort van Aals

In 't oud centrum van Aals liegke 'n aantal bezeenswaerdige geboewe. De ónvoltoajde Sint-Martenskèrk ies 'n gotische kèrk oet de 13e ièw, die woort geboewd nao 't veurbeeld van de kathedraal van Amiens. 't Sjtadhoes oet de 13e ièw haet e 15e-ièws belfort. De Borse van Amsterdam ies geboewd tösje 1630 en 1634 in laat-renaissancistische sjtiel.

Historie

De oudste vermelding van Aals dateert oet 868. In de 11e ièw woort op de rechterover van de Dender 'n burch geboewd. In de Mieddelièwe góng 't de sjtad good door de handel; mèt name de hopteelt waor belangriek.

In de 19e ièw kaom de industrie op en kreeg de sjtad 'n sjtasie aan de lien Oostende-Brussel.

Evenemente

Aals ies bekènd um zien carnaval, mèt 'ne groate optoch op carnavalszóndeg.

Bekènde inweunersj

• Louis Paul Boon, sjriever
• Adolf Daens, preester en politicus
• Dirk Martens, bookdrukker (de ièrsjte dae e book mèt losse lèttersj drukde in de Nederleng).

Externe link

• Officieel site van de gemeinte