Ukkel

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Liegking van Ukkel in 't Brussels Hoofsjtaejelik Gewes

Ukkel (Frans: Uccle) ies 'n gemeinte in 't Brussels Hoofsjtaejelik Gewes. De gemeinte liek ten zuje van Brussel-centrum. Ze haet 'n oppervlak van 22,91 km², 't aantal inweunersj ies 75.169 (1 juli 2005). Ukkel ies nao Brussel de groatste gemeinte in oppervlakte van 't gewes, nao aantal inweunersj sjteit 't op de veerde plaats.

Functies[bewirk | brontekst bewerken]

Ukkel ies veural 'n woongemeinte, mèt hoofzakelik residentieel wieke. De landboew waor vreuger e belangriek besjtaonsmieddel, meh tegewoordig ies de deenstesector 't belangrieks. Dao ies ouch get industrie, woa-ónder electronica. In Ukkel zint 't Koninklijk Meteorologisch Instituut (KMI) mèt de keuninklike sjterrewach van Belsj en 't Belgisch Instituut voor Ruimte-Aëronomie (BIRA) gevestig.

Aanziech van de gemeinte en bezeenswaerdighede[bewirk | brontekst bewerken]

Russisch-orthodoxe kèrk in Sint-Job

'n Deil van 't Zoniënwoud liek op 't gróndgebeed van Ukkel. Dao zint väöl villawieke, en ouch e paar buurte mèt 'n volkser karakter, wie Sint-Job en Calevoet.

De Sint-Pieterskèrk, in de ouw dörpskern, ies geboewd in classicistische sjtiel. De kapel van Onze-Lieve-Vrouw-ter-Nood van Stalle ies gotisch. D'n arsjitek Henry Van de Velde boewde in Ukkel veur ziechzelf de Villa Bloemenwerf (cottagesjtiel- art nouveau). Villa van Buuren (1928) mèt 'n interieur in art deco en 'n sjileriejecollectie ies noe 'n museum. In Sint-Job liek 'n Russisch-orthodoxe kèrk. In 't Wolvendaalpark (18 ha) liek 'n paviljoen in Lowie XV-sjtiel.

Historie[bewirk | brontekst bewerken]

De gemeinte Ukkel óntsjtóng in 1795, wie Ukkel mèt de liènrechte Carloo en Stalle woort samegevoog. Rónd 1900 waor 't groatste deil van Ukkel nog landelik en Nederlandstalig. Wie Ukkel ummer miè 'n ónderdeil woort van de agglomeratie Brussel greujde de bevolking explosief en verfransde de plaats.

Gebore in Ukkel[bewirk | brontekst bewerken]

Externe link[bewirk | brontekst bewerken]

Commons
Op de pazjena Ukkel van Wikimedia Commons zeen media gerelateerd aan dit óngerwerp te vènje


Brussels Hoofsjtaejelik Gewes

Anderlech | Brussel-Sjtad | Elsene | Etterbeek | Evere | Ganshoren | Jette | Koekelberg | Oudergem | Schaarbeek | Sint-Agatha-Berchem | Sint-Gillis | Sint-Jans-Molenbeek | Sint-Joost-ten-Node | Sint-Lambrechts-Woluwe | Sint-Pieters-Woluwe | Ukkel | Vorst | Watermaal-Bosvoorde

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ukkel&oldid=339005"