Koekelberg

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Liegking van Koekelberg in 't Brussels Hoofsjtaejelik Gewes

Koekelberg ies 'n gemeinte in 't Brussels Hoofsjtaejelik Gewes. De gemeinte liek in 't noordweste van de agglomeratie Brussel. Ze haet 'n oppervlak van 1,17 km² en 18.158 inweunersj (1 januari 2006). Daomèt ies 't nao oppervlak de op ein nao kleinste gemeinte van 't gewes, nao Sint-Joost-ten-Node, en ein van de diechsbevolkde gemeintes van 't Belsj.

't Bekèndste geboew in Koekelberg ies de Nationaal Basiliek van 't Heilig Hart, op de heuvel mèt dezelfde naam es de gemeinte. Diet ies ein van de groatste kèrke van de waereld. 't Geboew in art deco-sjtiel woort óntworpe door Albert van Huffel; de boew doerde van 1905 bies 1970. Bie de kèrk liek 't Elisabethpark.

Historie[bewirk | brontekst bewerken]

De Nationaal Basiliek van 't Heilig Hart

In de 13e ièw ies d'r sjpraoke van 'n adellike familie de Coeckelberge, die e kesjtièl houw liegke op de plaats woa allewiel Koekelberg liek. Róndum diet kesjtièl greujde e plaetske. Bies in de 19e ièw bleef diet e landelik gehöch, dat administratief ónder Sint-Agatha-Berchem veel. Door de greuj van Brussel en de industrialisatie greujde de bevolking en kaom Koekelberg in de sjtaejelike agglomeratie te liegke. In 1841 woort 't 'n zelfsjtendige gemeinte.

Externe link[bewirk | brontekst bewerken]

Commons-logo.svg Commons: Koekelberg – Media gerelateerd aan dit óngerwerp



Brussels Hoofsjtaejelik Gewes

Anderlech | Brussel-Sjtad | Elsene | Etterbeek | Evere | Ganshoren | Jette | Koekelberg | Oudergem | Schaarbeek | Sint-Agatha-Berchem | Sint-Gillis | Sint-Jans-Molenbeek | Sint-Joost-ten-Node | Sint-Lambrechts-Woluwe | Sint-Pieters-Woluwe | Ukkel | Vorst | Watermaal-Bosvoorde

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Koekelberg&oldid=339008"