Trevianum Scholengroep
Dit artikel is gesjreve (of begós) in 't Zittesj. Laes hie wie v'r mit de versjillende saorte Limburgs ómgaon.
Trevianum Scholengroep is 'n sjolegemeinsjap in Zittert van drie middelbaar sjole, havo, atheneum en gymnasium, en gevestig aan de Bradleystraot.
't Trevianum is ontsjtoan oet 'n fusie in 1998 tössje twie awwer middelbaar sjole, 't Serviam Sittard en 't College Sittard ("Kleesj"). Op 15 november 2000 woort begoosj mit de boew van 'n nuuj geboew, dat geopend woort deur de toenmalig minister van Óngerwies, Cultuur en Weitesjap, Maria van der Hoeven. Op 26 augustus 2002 koosj de sjool in gebroek genómme waere.
De óngerboew is gevestig in 't geboew van 't vreuger College, de baoveboew in 't nuuj geboew dat tössje 2000 en 2002 geboewd woort. De twie geboewe zeen óngerling verbonje deur 'n brögk dae euver de waeg löp. In de brögk zeen ónger mie de leërkrachtekamer, de sjtudieruumde en de kamers van de directeure gevestig.
In november 2007 kwaam 't Trevianum in 't nuujs, toen väöl leerlinge same mit leerlinge van 't Gelaense Graaf Huyn College protesteerde taege de norm van 1040 lesoere per jaor.